İsfahanı çandə həzo nəfəriyə cəmaəti vindımonədə islami inğilabi yolə rəhbəri bəyonoton

İslami inğilabi yolə rəhbəri bə Amerkə prezidenti vıjnımoni nəticə işarəş karde və votışe:əmə ım vıjnımoni barəhə heç qılə ğəzavət(nəzə) dodə nimon çunki Amerkə həmonə amerkəy və dəvardə 37 sorədə har qılə çəvon 2 qılə pariyaonku ki bə ğıvvə rəsin heç qılə xeyrışon nırosni heç daimən çəvon şər bə ironi millət rəsə.

İslami inğilabi yolə rəhbəri bə Amerkə prezidenti vıjnımoni nəticə işarəş karde və votışe:əmə ım vıjnımoni barəhə heç qılə ğəzavət(nəzə) dodə nimon çunki Amerkə həmonə amerkəy və dəvardə 37 sorədə har qılə çəvon 2 qılə pariyaonku ki bə ğıvvə rəsin heç qılə xeyrışon nırosni heç daimən çəvon şər bə ironi millət rəsə.

İslami inğilabi yolə rəhbər həzrət Ayətullah Əl-uzma Xamenei ımruj sıb İsfahan şəhri çandə həzo nəfər cəmaəti vindımonədə votışe: dındoədə İ qrupiku bə kəno ki Amerkə prezidenti nəticə xoto matəmışon qəte ya coqlə qrup ki şoətişon karde əmə ne matəm bəqətemon ne şo bəbemon çunki bəməno fərğ dodə ni və heç qılə niqəranimon ni və de ilahiyə lutfi  har qılə mumkin bə hadisə vədə mandeyu hozzımon.

islami inğilabi  yolə rəhbəri tojə təşkil bə vıjnımoni cəriyanədə bə Amerkə ictimaiyyəti daxiliyə problemon işarəş karde və votışe: şəxsi ki bənə Amerkə prezident vıjniyə bə vıjnımoni rəğabətdə votışe: əqər ə pul ki dəvardə çandə sori canqədə xərc bə Amerkə daxilədə istifadə əbi əznimon 2 kərə ım məmləkəti soxte aya ə kəson ki bə ım xəyalinə vırə cəzb bən çı sıxani məno dərəstən.

Həzrət ayətullah Əl-uzma Xamenei Amerkə vıjnımoni rəğabətdə bə bəyon bə sıxanon xərobətion fəğırəti iyən çı məmləkəti ciddiyə problemon ım məmləkətdə  işarəş karde və votışe: Amerkə dəvardə soronədə çı məmləkəti sərvətış ğeyre şərafətinə canqonədə sərfışon kardə ki çəy nəticə Əfğanistan İrağ Liviya Suriyə iyən Yəmənı məmləkətonədə çandə həzo ğeyre hərbi kışte və çəvon əsosə mərkəzon arəku barde bəy.

islami inğilabi yolə rəhbəri bə ım məsələ işarəş karde ki Amerkə vıjnımoni rəğabətonədə bəyon bə həğiğətə məsəlon sıxanoni bən ki həmmişə bəyon bedə be əmma i dastə pidəşon nıbı əy ğəbul bıkən  və ımki əqər ıştə çəşon bıbastəmon de ğətiyyəti zərbə bəvindemon.

islami inğilabi yolə rəhbəri işarəş karde ki əqər siyasi ixtisadi mədəni iyən ruhi və rəvani cəhəton ruşinfikə şəxsiyyəton və rəsmi şəxson miyonədə vəhdət və həmkarət bıbo məmləkət de heç qılə xəto dim bə dim əbı ni və əlavəş karde ironi millət məxsusən cıvonon bəpe inğilabiyə ruhiyyə mubarəkə hərəkət və inkişafi dəvom bıdən çinki  məmləkəti əsosə məsələ cəncol və bəzi bəhson nin bəlkə ruhiyə hifz karde və inğilabiyə cəhətonin.

həzrət ayətullah Əli-uzma Xamenei elmi cəhətdə həm muğavimətiyə ixtisad elmiyə inkişaf iyən daxiliyə vəhdət və həmkarətiş zəruri zınə və votışe: mıxtəlif imtıvonon həğiğətdə qıləy meydone ta ıştə zəifətion arəku peqətəmon və əy bə qıləy ğıvvə və zu bırosnəmon.