Qeneral mayor Rəhim Səfəvi: İroni rəketiyə ğudrət bumi be.

İroni yolə rəhbəri ali məslehətçi votışe: mudafiə ğudrət ijən rəketiyə bərnaməonədə İroni inkişof çəmə milləti milliyə əmniyyət, milliyə manafe və inğilabi milliyə ğudrəti peştədə bıə zumandəti heste.

İroni yolə rəhbəri hərbi məsələon məxsusə məslehətçi Qeneral mayor Rəhim Səfəvi zinə çı Ğom şəhri cumə nımoji xotbəonədə votışe: İroni rəketiyə mudafiə əkə ğudrət ısət bomiye və Amerika tojə iddiyaon be əsos və ğeyri mənteğiyə sıxanonin.

Əv çı Amerika duə iddiyaon barde votışe: boçi Amerika sionizm rejimi ətomiyə bombaon və Yəmənədə bıə Ərəbistoni cinoyəton barde sukutış kardə?

Qeneral mayor Rəhim Səfəvi İroni hərbiyə doktorini bə mudafiə sahədə ıştəni zumand karde əsos zınəş be və təsdiğış kardə: İron, bə ədolət və mutəğabilə ehtıromi əsos sulh və stabilə əmniyyəti pidəşe.

Əv təkidış kardə ki: İroni İslamiyə İnğilab Əfğanestan və İrağədə Amerika məğlubiyəti əsliyə illət be və ujnən İroni siyasi və hərbiyə koməkon boyis be ki Suriyədə həm Amerika və çəy dustə kişvəron məxsusən Ərəbiston və Tırkiyə məğlub bıbon.