Terror çe İroni irodə nibarışte

Hizbullah de İroni Milli Ali Əmniyyət Şura sərkatib Əli Laricani şəhodətış bə İroni rəhbərəti iyən buzurquvor,tovin iyən mıcohidə milləti təsliyyətış votə.

Hizbullah:Laricani bə əslə İslomi və Ğıroni xıdməti koyədə iyən çe İroni İslomi Respublikə sabitə prinsipon və hakimiyyəti və İslomi umməti məsələonədə bıə mıdofiyədə çe çandə dırozə sornə cihod iyən səyonku dəvardey və çe amerkə iyən sehyonist rejimi terroristə təcovuzi bəpeştə,deştə fərzənd iyən həmroon bə ico bə şəhodəti məğami rəse.İroni İslomi Respublikə fəğət ıştəni mıdofiyə kardedeni,bəlkəm çe İslomi umməti kəromət və çəy izzəti və çe məntəğə milləton,həmmə ozod iyən şərofətinə şəxson mıstəğilətiku mıdofiyə kardedə.Hizbullah çe amerkə iyən sehyonist rejimi terrori dəvomi məhkum kardə holədə,təkidış kardə ki,yolon terror kardey çe İroni İslomi Respublikə irodə nibarışte və bə İroni rəhbərəti,millət iyən mıcohidon əzmi qıləy ziyon nibəjəne. İroni İslomi Respublikə har qıləy əndozədə ki,ziyodə fədokorəti həm bıbu,ijən həm de amerkə istikborəti iyən sehyonist rejimi ziyodətələbəti mıborizə proyektədə əsliyə əsos bəmande.