Tehroni cumə nımoji muvəğğətə İmom: rəketiyə imtovon, çı İroni milliyə iğtidari nışonəy.

Tehroni cumə nimoji xətib, İroni tojə rəketiyə imtovoni dınyoədə İroni milliyə iğtidar və zumandəti nışonə hisobış kard.

Ayətullah Seyd Əhməd Xatəmi ğərbiyə kişvəron iddiyaon barədə ki votəşone iron de rəkıtiyə imtovoni ətomiyə təvafuği ləğvış kardə işorə karde bəpeştə votışe: İroni rəketiyə ğudrət ətomiyə təvafuğədə dərc bə ni və hol ım ki, Amerika tərəfiku tojə təsdiğ bıə sanksiyaon çı ətomiyə təvafuği ləğvış kardə.

Ayətullah Xatəmi 7 qıləy islamiyə kişvəri şəhrvandon səfəri bə Amerika ləğv karde xoto çı Trampi tojə ğəroli həm məhkumış kardə.

Tehroni cumə nımoji xətib bə Amerika iştimayiyətədə etırazon ijən Avropavıjə kişvəronədə bə Trampi əleyh aksiyaon işorəş karde və təsdiğış kardə ki: boçi Ərəbiston kişvəri şahrvandon ki çəy hukumət bənə cinoyətkorə terroristiyə qrupon himoyəkə ijən ifrotiyə rejim ki çandə Amerika hərbion ğeyri mıstəğim kıştəşe ğədəğən bıə siyahə dılədə ğeyd bıə ni və əvon bəznın vey rohət bə Amerika səfər bıkən.

əv bə İronədə islamiyə inğilabi sərbazəti 38 minə sor qardemon işorəş kardə və votışe: İroni milliyəti ğəhrəmanə əzəmətinə iştirok karde ımsornə sori Bəhmənə manqi 22 minə ruji yolə aksiyaədə, ujnən dınyo cəmoəti bə təəccub bəvardə.

Tehroni cumə nımoji xətib təkidış kardə: de İroni İslamiyə İnğilabi bərəkəton ısət İron bənə vey kamə mustəğiə kişvəron heste ki hələ həm zumand və ğudrətin islamiyə inğilabi hədəf və simvolon sə mandedə.