De Həzrət Zeynəb(s) vəfoti sorəqardışi mınosibəti təsliyət.

İslamiyə İron Həzrət Zeynəb(s) vəfoti sorəqardışə şəvi matəm iyən siyo bə tan be.Imruj 5 şanbə hicri ğəməri 1443 nə sori rəcəbə manqi 15(miladi2022 fevrali 17) Xıdo rəsul(s) qiramiyə nəvə iyən dınyo şiəyon 1 imom Həzrət Əli(ə) və Həzrət Fatimə(s) əzizə fərzənd Həzrət Zeynəb(s) vəfoti sorəqardışe.

İslamiyə İron Həzrət Zeynəb(s) vəfoti sorəqardışə şəvi matəm iyən siyo bə tan be.Imruj 5 şanbə hicri ğəməri 1443 nə sori rəcəbə manqi 15(miladi2022 fevrali 17) Xıdo rəsul(s) qiramiyə nəvə iyən dınyo şiəyon 1 imom Həzrət Əli(ə) və Həzrət Fatimə(s) əzizə fərzənd Həzrət Zeynəb(s) vəfoti sorəqardışe.

Həzrət Zeynəb(s) ıştə əzizə bıvə, dınyo şiəyon 3 minnə imom Həzrət imom Huseyn(ə) kənoədə xətoə roədə bə cəriyanədə mubarizə  bardə be ki islamiku mudafiə karde nomo Kərbəloədə faciəşon icod karde.

Həzrət ıştə qiramiyə bıvə İmom Huseyn(ə) və çəy vəfodorə əshabi şəhodəti bəpeştə əhle beyte ismət və təharət(ə) ailə coqlə uzvonədə bə ico  bə əsorət bardə bedə əmmo həminə əsorəti devranədə de hərarətin və məntiğiyə xutbəon Bəni uməyyə notəmizə şəxsiyyəti oşko kardə.

İmom Huseyn(ə) xuninə ğiyam, Həzrət Zeynəb(s) kofə iyən Şamədə bə Yəzidı fəsotədə bə hukuməti zid sıxanon bəyon kardeədə iyən İmom Huseyn(ə)  ğiyami hədəfon və fəlsəfə oşko kardeədə əbədi bedə.

Həzrət Zeynəb(s) hicri ğəməri 63 nə sori bə rəhmət şə.

İron İslam Respublika telerədyo de həzrət Zeynəb(s) vəfoti sorəqardışi mınosibəti bə həmmə mıslmonon xususi şiəyon təsliyət votedə.