Ğasımi:ilahiyə dinon roədə bə kəson de sulhi ironədə jimon dəvonedən

İroni xarici koon vəzorətxonə sıxanəvoti votışe:həmmə ilahiyə dinon roədə bə kəson har qıləy problemiku bə kəno de oroməti və sulh ironi ictimaiyyətdə jimon dəvonedən və əlavəş karde tohidiyə dinon roədə bə kəson ozodə fəaliyyəton həmmişə iron islam respublika fəxre.

Bə İRNA xəbon əsosi Bəhram Ğasımi zinə şanqo qıləy mərasimədə ki ilahiyə dinon roədə bə kəson huzurədə tehroni şəhrədə bərpo be ironi həmmə vıronədə bə islamiyə inğilabi mubarəkə dəheye fəcr yəni islamiyə inğilabi səbarzəti mubarəkə 10 rujə əyyami işarəş karde və votışe:jıqonə əyyamədə bəznemon iyandı qırdo cəm be və sulhinə jımoni bə dınyo nışon doe.

ilahiyə dinon roədə bə kəson əcumlədə xıristiyənon iyən yəhudion əlavə bə ımki ironi islamiyə ictimaiyyətdə bərobərə həxışon heste ironi islamiyə şura məclisədə həm nımoyəndəşon heste.