İronədə bıə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 173 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor həm bə 138433 nəfər rəsə.

Xəbə omə ki tojədən 5008 nəfər bə Koronavirusi mıbtəlo bıə kəs İronədə peydo bin ki çəvonku 911 nəfər ijən noxəşxonəonədən.

Im yəni İronədə tosə bə ısət 7107167 nəfər Koronavirusi qətəşoneş ki çəvonku 6754234 nəfər noxəşxonəonku mırxəs bıən əmmo 3265 nəfər həmçenan noxəşxonə məxsus vırəonədə oqətə bıən.

İronədə tosə bə ısət bə 48 milyon nezi Korona test əncom bıə.

Covid-19 virus tosə bə ısət bə 445 milyon nəfər nezi çı dınyo millətonış mıbtəlo kardə ki 6 milyon nəfər çəvonku ıştə coni dastiku doəşone.