De Həzrəte Əli Əkbər(ə)-i moəku bıə ruji sorəqardışi mınosibəti təbrik.

Imruj Hicri Ğəməri Şəban bərəkətinə manqi 11, Miladi 2022-ə sori Martə manqi 14 və şiəyon 3-nə İmom Həzrəte İmom Huseyn(ə)-i bozorqvarə zoə Həzrəte Əli Əkbər(ə)-i milad ruji sorəqardışe.

Həzrəte Əli Əkbər(ə) Hici Ğəməri 33-nə sor Mədinədə moəku bıə, Həzrəti qiramiyə inə nom xanım Leyla binte əbi Mərrə be.

Torix iyən rəvoyətonədə jığo ğeyd bıə ki Həzrəte İmom Huseyn(ə)-i əzizə zoə ofəyəti, əxloği, rəftor, sıxan karde cəhəto vey bənə Xıdo Rəsul(s) be.

Həzrəte Əli Əkbər(ə) Ğəməri 61-nə sori Məhərrəmə manqi 10 yəni Aşura əzəmətinə hodisədə dıştə qiromiyə dədə iyən Həzrəti bəfodorə əshobi bə ico şəhid iyən çəy erbən erba bıə pokə bədən kərbəloədə dəkandə bəy.

İroni təğvimədə Şəban bərəkətinə manqi 11 Həzrəte Əli Əkbər(ə)-i milad ruji sorqardış çı cıvonon ruj nom noə bəy.

İroni Tolışi Rədio tərəfo ımrujnə ruji, Hicri Ğəməri Şəbanə manqi 11 Həzrəte Əli Əkbər(ə)-i milad ruji sorəqardışi bə həmməy mısılmonon xuxusi dınyo şiəyon iyən şımə cıvonə Tolışon təbrik ərz kardedəmon.