1401-ə sori prezdent Rəyisi sıxanon

İron İslom Respublikə prezdent seyd İbreym Rəyisi dəvardə işanbə ruji de Həşi 1401-ə sori Nəvuzə idi mınosibəti mesajədə de Nuyə sori dəmey təbiriki votey,ponzəminə əsrış çı İslomi İroni əsrış zıne və voteşe:8 sornə Təhmili ya məcburi canqi zəmonədə şərğ iyən ğərb iqlə vohidə cəbhədə İroni istiğloləti tələb karddy mığobilədə mandin.əmmo ımruj de İroni taumul və dıtərəfinə rabitə bərpo kardero de iyande mısobiğə kardedə.ım çı İroni yolə milləti əzəməte

1401-ə sori prezdent Rəyisi sıxanon

İron İslom Respublikə prezdent seyd İbreym Rəyisi dəvardə işanbə ruji de Həşi 1401-ə sori Nəvuzə idi mınosibəti mesajədə de Nuyə sori dəmey təbiriki votey,ponzəminə əsrış çı İslomi İroni əsrış zıne və voteşe:8 sornə Təhmili ya məcburi canqi zəmonədə şərğ iyən ğərb iqlə vohidə cəbhədə İroni istiğloləti tələb karddy mığobilədə mandin.əmmo ımruj de İroni taumul və dıtərəfinə rabitə bərpo kardero de iyande mısobiğə kardedə.ım çı İroni yolə milləti əzəməte.

İron İslom Respublikə prezdenti elonış karde:əmə bo zolımonə sanksiyəon vəy qəteyro deştə qırd ğudrəti mızokirə kardə zəmonədə,eyni holədə bo sanksiyəon bərətərəf kardero mızokirə və siyosi iyən huğuği əbzoronku oko doey,ıştə təmərkuz və dığğətımon bəsə bo sankisyəon zərəli vəy qəteyro cəm kardəmone.

Prezdent Rəyisi de bə İroni devləti ıştə təcrubəon bə milləti nəf və xəyri ziyod bıə ticorəti işorə kardə holədə  voteşe:İroni de hamsuyəon bıə ğeyri natə ticori və ixtisodi inkişof və sabitəti bın mıddətədə bə əməl omə.

İron İslom Respublikə prezdenti de bə devləti aktivə diplomatiyə təkid kardə holədə ki,təadul ki,balanış bə kişvəri oqordınəşe,bə yodışon dənoe ki,kişvəri bın soronədə həmməysə dıjdə noliyyət çı amerkə maksimal təzyiği siyosəti vey bevəcə formədə darışteyku iborəte ki,ım məğlubiyyət de ironi milləti mığoviməti mıyəssər və real be.

Prezdent Rəyisi ıştə sıxanon dəvomədə voteşe ki,əmə nışonımon doe ki,meydoni ğudrət bə diplomatiyə nəf və xəyriye.diplomatiyə çı səlomət xıdmtədə bıey bəzıne.xarici əloğəon çı camiyə ixtisodi xıdmətədə okomon doe və ım həmonə təhəvvul iyən əvəzon dumo və bə ədoləti əsos bıə devləti mənoədəy.

İron İslom Respublikə prezdent ıştə sıxanon oxoyədə umudəvo iborzış karde ki,nuyə sor dınyo həmmə kişvəronədə çı koronavirusi pandemiyə və canq iyən ıştə kə-bəonklu avarə bıey  oxo bıbu.