İronədə bıə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku 23 nəfər ıştə coni dastiku doəşone.

Bə İrib raporti əsos ısət ım pandemiya nəticədə İronədə mardə kəson miğdor həm bə 140919 nəfər rəsə.

Xəbə omə ki tojədən 1413 nəfər bə Koronavirusi mıbtəlo bıə kəs İronədə peydo bin.

Im yəni İronədə tosə bə ısət 7213808 nəfər Koronavirusi qətəşoneş ki çəvonku 6958045 nəfər noxəşxonəonku mırxəs bıən.

İjən İroni səhiyyə vəzorətxonə İroədə dəvardə 24 saəti mıddətədə təğribən 77 həzo doza Korona vaksiniku istifodə beyku xəbəş do.

İronədə qırd 1 minnə, 2 minnə və 3 minnə doza ğolibədə tosə bə ısət bə 150 milyon doza Korona peyvəndiku istifodə bıə.