Mıstəğillə kişvəron miyono həmkarəti beynəlxalğ rol ifoəkə kişvəron fişaron betəsir bəkarde.
İroni prezident votışe: beynəlxalğ və reqional həmkari və həmohənqi çərçivədə mıstəğilə kişvəron miyono həmkarəti və həmohənqion bə kişvəron varid bıə fişaron betəsir bəkarde.
Bə prezident məlumatərosnə mərkəzi raporti əsos, Seyd İbrohim Rəisi, zinə de Rusiyə prezident Velidimer Putin telefoni rabitə cərəyonədə bə Ukraynaədə daveon rə sə bey umidəvu mande iyən bə ın behroni siyasi royku həl bey zərurəti barədə votışe: İron karde bəzne həminə behroni həlliro ıştə diplomatik zərfiyətiku istifodə bıko.
Əv atom enerji beynəlxalğ təşkilotədə anti İron hərəkəton barədə həm votışe: İron de mıstəğil kişvəron həmkarəti kardeış pidə və jəğo ki ın təşkilot vey kərə ıştə raportonədə elanış kardə İroni atom fəaliyətonədə hiç curnə inhirof və beğanunə məsələ muşahidə bə ni, ısət çı Amerkə ğəroli faxte.
Rusiyə prezident, Putin həm, İronədə ğətari çı reylsiku xaric bey iyən çandə İroni şahrvandon ıştə cuni dastiku doey barədə faciə barəd ıştə təəsufi elanış karde və bə İron-Rusiyə miyono iğtisodi və ticori həmkarion hevuj bey işorə və təkidış karde: bank, Tranzit, enerji və ditəsərrufat baxşonədə əloğəon inkişof çı Rusiyə dıvləti tərəfo dumo kardey bıdə və diğğət kardəninin.
Putin bə beynəlxalğ iyən reqional təşkilaton sahədə əcumlə Şanxay və Avrasiya təşkilatonədə İroni iştirok və roli əhəmmiyəti işorəş karde və votışe: İroni ın əktivə iştiroki nəf bə həmmə kəson bərəse ki Rusiyə tərəfo həm himoyə bıdə.
Əv atom enerji beynəlxalğ təşkiloçədə Amerkə və Avropa troika siyosətonış cari koon iyən məsələon vəziyəti qıvoninəkə zınəş be.
