İronədə bıə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku 1 nəfər ıştə coni dastiku doəşone.

Bə İrib raporti əsos iyən səhiyyə vəzorətxonə nəğliku de tərtibi ım pandemiya nəticədə İronədə mardə kəson miğdor qırd bə 141353 nəfər rəsə.

Xəbə omə ki tojədən 162 nəfər bə Koronavirusi mıbtəlo bıə kəs İronədə peydo bin.

Im yəni İronədə tosə bə ısət 7234042 nəfər Koronavirusi qətəşoneş ki  de xuşbəxtiyəti çəvonku 7059527 nəfər noxəşxonəonku mırxəs bıən.

Təğribə 1 manq bəbe ki İronədə Koronavirusiku mardə kəson miğdor har ruj bə 10 nəfər həm nibərəse ki ın prosses ijən hdəvonm kardeydə.

Bə oxonə statestikaon əsos, tosə bə ısət İronədə 64589798 nəfər İronədə Koronapeyvəndi iminnə doza iyən 57923898 nəfər 2 minnə doza və 27639228 nəfər de 3 minnə doza jəe vaksinə bıən, ım yəni 150 milyono 152924 doza vaksin tosə bə ısət İronədə Korna peyvənd jə bəy.

Fəğət zinə İronədə bə 19 həzo doza nezi vaksin jə bəy.