Əmirəbdullahiyan İron iyən İtaliya ğeyre dıvləti baxşon miyono həmkarionro hozzıətiku xəbəş do.

İroni xarıci vəzir İron iyən İtaliya ğeyre dıvləti baxşon miyono həmkarionro hozzıəti barədə xəbəş do.

Bə İrna raporti əsos, İroni xarıci koon vəzir, Husein ƏmirƏbdullahiyan ki tojədən bə İtaliya səfərış kardə ıştə Tvitter səhifədə nıvıştəşe: bə İtaliya mıştərəkə otaği dəvəti əsos, Rumaədə qıləy mıştərəkə iclosədə, İron de İtaliya ğeyre dıvləti baxşon vindemonış kardə. Əv ijən votışe: həmkarətiro İtaliyavıjon meyl de İroni tərəfon vey çəşəçi be.

ƏmirƏbdullahiyan ijən əlovəş do: İron iyən İtaliya həmkarion hevujətiro, Tehron-Ruma mıstəğimə pəre tojədən əncom bey, vey muhimmə roli ifoəkəy.

Zinə rujədə, İroni xarıci koon vəzir, de Vatikani iminnə vəzir, Kardinal Pitro Parolin iyən Vatikani xarıci koon vəzir Pavel Qalaqer vindemon iyən votımonış kardə.

Dışənbə ruj İroni xarıci koon vəzir, bə İtaliya xarıci koon vəziri dəvəti əsos, və de ım kişvər iyən Vatikani rəsmi şəxson votımon iyən vindemoniro de qıləy yolə ali heyəti bə ico bə İtaliya səfərış kardə.

Im səfərədə 2 qılə kişvəri rəsmi şəxson 2tərəfiyə mıvzoon iyən məntğə və beynəlxalğə təhəvulaton barədə de yande votımon kardən.