Əmirəbdullahiyan: İroni xarıci siyasət bə əctivə diplomatiya iyən huşinə rabitəon əsose.
İroni xarıci vəzir votışe: İroni 13 minnə dıvləti xarıci siyasət bə balansinə xarıci siyasət, əctivə diplomatiya iyən huşinə rabitəon əsose.
De hamsuyəon iyən məntəğə və dustə kişvəron rabitəon bə inkişof rosniye, İron İslam Respublika prezident, Sed İbrahim Rəyisi dıvləti xarıci siyasəti muhimmə ko elan bıə.
İron bə coqrafiya mıvğiyəti xoto, 15 qılə hamsuyə kişvəron soybe. və de hamsuyəon və məntəğə kişvəron rabitə icod kardeyədə , lozime ki iğtisodi, ticari, sənəti, mədəni və turizmi həmmə zərfiyəton əctiv kon, və ım bois bəbe 2 ya çand tərəfiyə mınosibəton həm bə inkişof bərəse, və ım məsələ bə vırə rosniye məntəğə əmniyyət və sulhi nəfədəy.
Həminə cəhətədə və bə İRİB raporti əsos, zinə İroni xarıci vəzir Husein Əmirəbdullahiyan de İroni televeziya kanali votımonədə bə ım nuktə işorəş karde ki İroni dıvləti xarıci siyasəti muhimmə məsələ, de hamsuyəon har çəxtə həmkari və rabitəon bə inkişof rosniye elan bıə.
Əv ijən əlovəş do: Asiya bənə cari əsri tojə vağeə veyə zərfiyətonış soybe ki çəvonku kali bə hamsuyəon məxsuse.
Əmirəbdullahiyan həmçınin İroni ticari mıbodiləon miğdori barədə votışe: ticari mıbodiləon miğdor, bəzi baxşonədə və kamə holətədə, 36 faiz iyən makzimum holətədə 570 faiz, əlovə bey nışoş do, çən dıvlətədə, vəlyuta bəromə kəsb kardey baxşədə karde bəznemon, vəzarətxonə və iğtisodi təşkilaton əcumlə xususi baxşiro, zəminəon icod kəmon.
İroni xarıci vəzir bə Ukraynaədə bıhran, canq və çəy beynəlxalğə təsiri işorəş karde iyən əlovəş do: Ukraynaədə canq və bıhranoni təhəvulaton iyən dınyoədə kovid-19 təsiron və təhəvulaton bəpeşt, enerji iyən xorək əmniyyəti mıvzo, 2 qılə ciddiyə niqəronionin ki dınyoədə və çəmə məntəğəoku kali icod bıə ki har 2 qılə mıvzoonədə İroni şəroyet və mıvğiyət vey çoke.
ƏmirƏbdullahiyan ijən əlovəş do: İron enerji baxşədə məntəğə və dınyoədə nat və qazi baxşədə vey yolə mənbəonku qıləyni bə hisob omeydə və xorək əmniyyəti baxşədə, İroni tranziti roy vey çokə zərfiyəton icodış kardə.
