Cenevrədə bə ironi zid ğətnamə təşkil kardeyu bəzi tərəfon saxtəkarətion məhkumiyyət.

ironi xarici koon vəzorətxonə sıxanəvoti votışe:bə ironi zid insonə həxon ğətnamə na nıvıştəyon bə Tehron İsveç məmləkəti 1 minnə vəziri tojə təşkil doə səfərədə heç qıləy əlağəş ni.

İroni xarici koon vəzorətxonə sıxanəvot Bəhram Ğasımi zinə əsr ıştə sıxanon dəvomədə əlavəş karde de təəssufi ironə fobiya cəhətdə təşkil doə dalğəon dəvomədə bə ironi zid mənfiyə hərəkəton xoto 7 sor çimiku bə nav de Amerkə və sionist rejimi rəhbərəti iyən bəzi ğərbiyə məmləkəton həmkarəti Cenevrə şəhrədə İ bə milləton təşkilati insonə həxon şuraədə ha sor qıləy mıştərəkə hərəkətdə bə ironi zid qıləy nıvıştə nıbə ğətnamə hozzı kardən ki İsveç həm çəvonku qıleni bə hisob omedə.

ironi xarici koon vəzorətxonə  sıxanəvoti votışe:bə ım təğdim bə ğətnamə əsosi və bə çəy məzmuni diğğət nıdoə şərayetədə İ bə milləton təşkilati insonə həxon şura ha sor ironədə insoniyə həxon  vəziyyəti  təhlil kardeyu ıştə muxbiri məmuriyəti dəvom bədoy.

Ğasımi votışe: İron ha qılə məmləkəti tərəfiku bə ironi insonə həxon zid ğətnamə təşkil karde məhkum kardə və bəştə əsosə siyasəton bərobəri bovəş heste jıqo hərəkəton insofiku kəno na səhih və ironi həğiğətiku bə kənoy.

ironi xarici koon vəzorətxonə sıxanəvoti votışe: jıqo hərəkəton qıləy holədə təşkil bedə ki xəyli məmləkəton Yəmən Suriyə iyən irağədə be qınoə insonon kışte vədə məntəğədə bə terroristiyə  qrupon tərəfdaron cinayəton əhəmmiyyət dodə nin.