Şəhrivərə manqi 8 minnə ruj, İronədə de terrorizm mubarizə bardey ruj

Imruj 3şəmbə, Şəhrivərə manqi 8, Miladi 2022 minnə sori Avqustə manqi 30 minnə ruj, İronədə de terrorizm mubarizə bardey milliyə ruj və de həmonə sorədə bıə İroni prezident iyən iminnə vəziri şəhodəti sorəqardışi bərobəre.

Hicri Şəmsi 1360 minnə sori Şəhrivərə manqi 8 minnə rujədə( Miladi 1981 minnə sori Avqustə manqi 30) İminnə vəziri təşkilati tıpımoni cərəyonədə, həmonə sori İron İslam Respublika prezident Muhəmməd Əli Rəcai və İroni həmonə sori iminnə vəzir Muhəmməd Cəvad Bahonər iyən dıvləti heyəti uzonku qrupi bə ico şəhid bin.

Im tıpımon de mınofiğon terroristiyə qrupon vositə əncom bıə.

Miladi 1997 minnə sorədə, İron İslam Respublika səbarzəti bəpeşt, 17 həzoku vey İron İslam Respublika rəsmi şəxson və şahrvandon de mınofiğon terroristiyə qrupon və co terroristiyə qrupon terror bıən.

İronədə terroristiyə hərəkəton bino beyku bəpeşt, mınofiğon qrupon uzvon bə Paris fəror kardən iyən peşo bə İrağ şeydən.

Miladi 1992 və 1991 minnə soronədə İraği mənhusə diktator, Səddam Kırdon məhv kardeyro, mınofiğon amilonku istifodəş karde və İraği Kırdon nəsl kıştey əməliyoti plan əncom doşone ki ım əməliyotədə çand həzo jen və hırdən ğətliam bıən.

Amerkə bə İraği kişvər varid bey həmzəman, mınofiğon qrupon Amerkə himoyə jintonədə mandən və çand mıddətədə Liberty ordoqohədə mandən və peşo de Amerkə və İnqilis lobi iyən peşo bə Albani şeydən ta ım kişvərədə ozodəti surətədə fəaliyət kon.

Im hərəkət qıləy holədə be ki ım mınofiğə terroristiyə qrupon vey muhimmə himoyəəkəyonku qıləyni, Amerkə, İnqilis və Fransə bin ki ım terroristiyə qrupon ıştə xokədə mandey ğəbulışon nıkardən.

De ım vıcud ki ğərbi kişvəronku kali veyə xərobəkə hərəkəton əncomışon do əmmo dınyoədə de terrorizm mubarizə bardey İron İslam Respublika bənə mislış nıbıə ğudrət bə hisob omeydə.

Holi hazırədə İron de terrorizm mubarizə baxşədə əlovə bə ıştə hamsuyəon himoyə, həminə zəminədə de əktivə beynəlxalğə təşkilaton huşin iyən rostiyəti həmkoətiş heste.