Zərif:İron xəbərdarətionku tarsış ni.

İroni xarici koon vəzir zinə Almaniya Munix şəhri əmniyyətiyə iclosi 53 minnə devrə bəpeştə sual-cəvob iclosədə votışe:İron İslam Respublika xəbərdarətionku tarsış ni əmmo 2 tərəfə ehtıromi erjin zındəy.

Bə telerədyo jurnalisti elanon əsosi Muhəmməd Cəvad Zərif işarəş karde bəzi məmləkəton hərəkətışon kardə dəvardə soronədə islamiyə respublika de xəbərdarətion iyən sanqsiyaon imtivon bıkən və əlavəş karde zılminə sanqsiyaon  təşkilbeku bə nav ironi  santırifiyuqon 200 qılə ədədiku bə kam be əmmo bə zəmanədə ki Amerkə bə muzakirə daxil be İron İslam Respublika 20 həzo santırifiyuqış hest bı ki ım məsələ nışon dodə ki İron bə xəbərdarətion və sanqsiyaon ciddiyə cəvob bədoy.

ironi xarici koon vəziri işarəş karde kiİron İslam  Respublika heç vaxti atom silah soxte domoədə bə ni və əlavəş karde NPT uzv nıbə tərəfon ıştən bə beynəlxalğə ictimaiyyəti zid atominə xəto hestin əmmo əvon ədəbiku bə kəno və qustaxə holətədə ironi atom xətoonku sıxan kardən qıləy holədə ki ironi atom bərnamon sulhin beku yəğin bə dast vardeyu həmmə curə şərayeton hozzı bən.

Zərif həmçinin votışe:islami din bıvəti dine və İron İslam Respublika həmmişə bıhroni həl kardeyu de məntəğə coqlə məmləkəton votışonış tələb kardə və əlavəş karde İron İslam Respublika de hamsuyə məmləkəton həmkarəti karde domoədəy ta məntəğədə bə xışmqinə hərəkəton oxo bıdə.

Munixı əmniyyətiyə konfırans zinə bəştə ko oxoş do və ironi xarici koon vəzir ım konfransədə əsosə iştirak kardəkəsonədə qıleni bə.

Munixı əmniyyətiyə iclosədə beynəlxalğə səthədə bıə muhimmə məsəlon əcumlədə nato tale beynəlxalğə nəzm insoniyə əmniyyət terarizm radikalə hərəkəton məntəğəiyə məsəlon əcumlədə Asiya cənub şərğ Koreyya bə adə mandə məntəğə ərəbon dınyo Suriyə və Ukraina behroni barədə votımon dəvarde.