İroni şimoli bəndəronku əmtəə iyən məhsulon nəğliyot 177 faiz əlovə bey.
İroni bəndəron və dıyovonəti təşkilati yol, İroni şimoli bəndəronku əmtəə nəğliyot 177 faiz əlovə beyku xəbəş do.
Miladi 2021 minnə sori Avqustə manqi 3 minnə rujiku tosə bə ısət, İroni 13minnə dıvlət, elanış karde: xarıci siyasətədə balanc icod kardey, de məntəğə kişvəron və hamsuyəon həmkoəti hevuj karey əcumlə çı xarıci siyasəti iminnə bərnoməonin.
Reqionalizmi siyasət,bə şərğ diyə kardey, məntəğə iyən beynəlxalğə təşkilatonədə nənə Elo iyən Şanxay təşkilatonədə iştirok kardey əcumlə İroni xarıci siyasəti balans icod kardey nımunəonin ki 13 minnə dıvlət ım koon dumoədəy.
Bə Tele Rədio aqentiyəti raporti əsos, İroni dıyovonəti iyən bəndəron təşkilati yol, Əli Əkbər Səfai votışe: İroni şimol, Qilon ostani, Bəndər Ənzəliədə ki bənə ,İroni vey muhimmə bəndər bə hisob omeydə, ğəyre nat məhsulon nəğliyot, 277 faiz iyən nat məhsulon 100 faiz bə inkişof rəsən.
İroni roy iyən şəhr soxtey vəzir işorəş karde ki ticari bəndəronədə məhsulon nəğliyot 177 faiz əlovə bey nışoş do iyən votışe: ısətnə vəziyətədə, Bəndəre Ənzəliədə 7 qılə kəşti mıvcude və 8 qılə co kəşti həm lənqərqohədə ğərorış qətən iyən 4 qılə co kəşti həm bə ım bəndəri rəsey royədən.
Bə İroni bəndəron və dıyovonəti təşkilati votəyon əsos, co qılə şimoliyə bəndəron həm, vey çəşəçi surətədə əmtəə nəğliyot bə inkişof rəsəşone.
