De İroni silohinə ğıvvon zumandəti, beynəlxalğə istikbori yoliyəti darşiyə

Dıyoədə de beynəlxalğə istikbori dim bə dim mande canqədə, qeneral Nadır Məhdəvi iyən çəy həmrəzmon səbarzəti əməliyoti sorəqardışi astanədə, İslamiyə İnğilobi Sepah Təşkilati dıyo ğıvvə 2 minnə məntəğə kamandir votışe: İslami Respublika silohinə ğıvvon beynəlxalğə istikbori yoləti daşiyəşone.

Miladi 1987 minnə sori Oktiyabrə manqi 8 minnə ruj(Hicri Şəmsi 1366 minnə sori Mehr manqi 16 minnə ruj) Fars dıyo ovonədə, bə İronıjə canqəkəyon ələyh Amerkəvıjə vəhşiyə həmlə iyən iminnə sərostə canq icod bıə ki bə İroni canqəkəyon şəhodəti ğədrdonəti xoto, Sepah dıyo ğıvvə ruj nom noə bıə.

Im rujədə de təcavuzkorə Amerkə sərostə canqədə Şəhid Məhdəvi iyən canqədə co qılə canqəkəyon, İroni milləti izətinə rohiyəonku ğoymə cilvə iyən Sepah dıyo ğıvvə dıyo dılə hırdənon canq iyən cəhdon bə nımoyeş noşone.

Bə İrna raporti əsos, İslamiyə İnğilobi Sepah təşkilati dıyo 2minnə məntəğə kamandir Qeneral Rəmezan Zirahi əlovəş karde: ımruj dınyo istikbor ıştə zumandəti səpe məxsusə hisobi ojış kardə və har vırə ki pidəş bıbu, kalion ğarət kardedə və ıştə zumandəti iyən zuku istifodə kardedə.

Qeneral Zirahi ijən təsdiğış karde: ımruj İslami Respublika dəvardə dıvraniku vey zumand bıə və har vırə ki deşmən iştirokış bıbu, İroni silohinə ğıvvon deştə iştiroki çəvon hərəkəton manitorinq iyən kontrol kardedə.

İslamiyə İnğilobi Sepah təşkilati dıyo 2minnə məntəğə kamandir ijən İron İslam Respublika silohinə ğıvvon təchizoton barədə votışe: ımruj Fars dıyo kişvəronədə, İrağ, Azərbaycan Respublika, iyən kişvəri şərğədə, Amerkəvıjon, ğərbion və hətto tojədən sionist rejim iştirokışone əmmo de diğğət bə İslamiyə İsoni hərbi zumandəti, bə İroni təcavuz kardey hiç curnə şucaət iyən ğudrətışon ni.

Qeneral Zirahi ijən təkidış karde: torix subit kardedə hərbi həmmə saxtə təhdidon, niyobəti canq, informasiya canqon iyən hətto terroronədə, beynəlxalğə istikbori iştirok de məğlubiyəti bə ico be.