İroni Yolə Rəhbər: çı dışmonətion əloc muğavimət kardeye.

İroni Yolə Rəhbəri nəzəku iğtişoşon çı İroni yolə milləti inkişof və tojə təşəbbuson vədə dışmoni benizomə zəifə betəcrubə plan be.

Həzrət Ayətullah Xamenei ımruj de İroni kişvəri məsləhəti təyinəkə icma tojə uzvon vindemoni cərəyonədə bə tojə hodisəonədə çı dışmoni rol iyən mıdoxiləon işarəş karde ki bo həmmə kəson hətto betərəfə xarıci soyb nəzəron oşko bıə, əv hamiyəşe: ım hodisəon qıləy daxıli ıştən bəsə  bıə mıvzo ni, əlbətə şayəd bəzi zəminəonku istifodə bıə! əmmo dışmoni tərəfo kooni bənə təbliğot, fiki cəhəto təsiron cəhd, həyəcon icod karde, təşviğ və hətto otəş əjənə maddon çoknə soxteyro təlimon ısət tam oşko iyən ruşin be.

İroni Yolə Rəhbər tojə hodisəon barədə muhimmə məsələ, çı dışmoni zəifə reaksiyaon bə hisobiş varde və votışe: İroni millət vey kırtə zəmononədə yolə hərəkətoni əncomışon doə ki 180 dərəcə çı beynəlxalğ istikbori siyosəton vədə be və ın koon çəvon icbori reasiyaon bə nəticə varde, çən həminə çərçivədə de planon kəşe və pul xərc karde Avropa iyən Ameykəədə çandə siyosi odəmon bə meydon vardışone.

Həzrət Ayətullah Xamenei votışe: İroni milləti ım əzəmətinə hərəkəton nışoş do ki İroni millət şodkome və çı dindorəti, bə dini erj-prinsidon bəfodor mande kənoədə kişvəri bənav bardeydən iyən de surəti bəştə roy dəvom doydən.

İroni Yolə Rəhbəri nəzəku Ərbəinədə milləti milyoni iştirok və mominonə kompaniyaonış çı İroni yolə milləti dindorəti, bə din bovəmand bey və İroni milləti yolə hərəkəton nımonə zınəş be və hamiyəşe: həğiğət ıme ki təşəbbu çı İroni milləti dastədə be və dışmon bə əbləhonə iyən betəcrubə reaksiyaon nışo doe məcbur mande və iğtişoşon plani hozzo kardışe.

Həzrət Ayətullah Xamenei təkidış be: tosə bə zəmon ki İroni milləti dastədə islomi boydəğ bıbu, iyən islami nizomi kənoədəy, həminə dışmonə hərəkəton muxtəlif şikilədə dəvomış bəbe ki çəy vədə yeqonə əloc muğaviməte.

İroni Yolə Rəhbər təkid kardışone: ğəət səbarzətiro əmə bə İlohi səbarzəti bovəmandimon iyən hukmən İlahi komək dəmə bə ico bəbe.