Tehroni cımə nımoji xətib: deşmonon hədəf, İroni milləti vəhdəti məhv kardeye.

Tehroni cımə nımoji mıvəğğətə İmom, bə İronədə bıə iğtişoşon işorəş karde iyən votışe: deşmonon hədəf, İroni milləti vəhdəti məhv kardeye.

Bə xanım Məhsa Əmini marqi bəhonə xoto İronədə tojə iğtişoşon bino bıə ta deşmonon ım fırsətiku istifodə və İroni daxıli koonədə mıdoxilə kon, əvon bə iğtişoşon har çəxtə əlovə doeyro, təhrikomizə koon bənav bardən.

İronədə tojə iğtişoşonədə, Amerkə və bəzi Avropa siyasi yolon, çəvon mediyaon iyən farsi zıvonə mediyao ki ğərbi himoyə jintonədən, qıləy ğəmqinə hodisəku istifodəşon kardə iyən de İroni milləti həxonku himoyədorəti kardey şuar iyən pesoxtə bəhonə, iğtişoşçiyon və milləti əmniyyəti məhv kardey royədə fəaliyət kardeşone.

Bə İrna raporti əsos, ım haftə Tehroni cımə nımoji xətib, Huccətul İslam vəlmuslemin Sed Muhəmməd Həsən Əbutorabi Fərd təsdiğış karde:  oxonə rujon hodisəonədə, be şək, qıləy əktiv, zumand və sazəndə siyasi nizomi icod beyro ki ıştən əmniyyəti, siyasi və iğtisodi bıhranon fəhmi fikədəy, İroni millətiro zumandəti xəlğ kardeyro qıləy roye.

Tehroni cımə nımoji xətib,mədəni, məzhəb və milli huviyyət, İroni milləti vəhdəti rəmz zıneydə iyən votışe: Pentaqoni məlumati aqent şobəon təhliləkəyon, İroni milli vəhdəti vey muhimmə uzvon, hədəfışon qətə.

Huccətul İslam vəlmuslemin Sed Muhəmməd Həsən Əbutorabi Fərd ijən əlovəş karde: oxonə rujon hodisəon, təyinəkə təcrubə kəsb kardey, İroni milləti vırəon bə inkişof rosniye iyən İroni cıvonon bə millət və dıvləti işğal nıbıə milləti əvəz kardeyro, rooh hoston kardə.

Tehroni cımə nımoji xətib ijən təkidış karde: islami deşmonon bıznon İroni siyasi etıborin əlovə beyro roon hoston kardən.