İroni ixracati 18 faiz əlovə bey

İroni ticarət, məədən iyən sənaye vəzarətxonə umumiyə sənaye muavin, Şəmsi 1401 minnə sori əvvələ 6 manqədə İroni ixracati 18 faiz əlovə beyku xəbəş do.

Bə İrna raporti əsos, tojədən və de Tehroni ğərb Ğəzvin ostani ixracati fəalon iclosədə, İroni ticarət, məədən iyən sənaye vəzarətxonə umumiyə sənaye muavin, Muhəmməd Məhdi Bəradəran votışe: dəvardə sori mıddətədə 70 faiz çı kişvəri ixracatiku istehsoli iminnə maddon bin.

İroni ticarət, məədən iyən sənaye vəzarətxonə umumiyə sənaye muavin, ijən bə ım nuktə işorəş karde ki ımsor fəğət, 20 faiz bə kişvəri varid bıə məhsulon iyən əmtəə, məsrəfi məhsuloni bənə mobil be ki daxılədə istehsol nibəbe.

Bəradəran ijən əlovəş karde: ixracat baxşədə kə qədə ləvazimon ixracat baxşədə, 34 faiz bə inkişof rəsəmone.