Şirazi terroristiyə cinoyəti məhkum kardeyədə, İroni həmmə vırəonədə milləti aksiyaon.
Zinə və cımə nımoji handey bəpeşt, İroni millət de aksiya bərpo kardey vositə, Həzrəte Əhməd İbne Musa(ə)-i pokə hərəmi terroristiyə cinoyəti məhkumışon kardə.
Abanə manqi 4 minnə ruj, Çoşəmbə rujədə, qıləy silohinə şəxs bə Şahçiraği pokə hərəm varid bıə və bə zayiron səmt qullə ğandışe ki bə Farsi ostandari əmniyyəti-siyasi muavin, Muhebbipur elani əsos, ım terroristiyə hodisədə 13 nəfər şəhid iyən 30 nəfər həm zəxmin bıən.
DAEŞ terroristiyə qrup qıləy bəyoniyə ğolibədə ım hərəkəti məsuliyəti ğəbulış kardə.
Zinə Cımə rujədə, İroni həmmə vırəonədə, millət de aksiya bərpo kardey vositə, Həzrəte Əhməd İbne Musa(ə)-i pokə hərəmi terroristiyə cinoyəti məhkumışon kardə.
Bə İran Peres aqentiyəti raporti əsos, Zinə iyən Tehron və İroni həmmə vırəonədə cımə nımoji handey bəpeşt, aksiya bərpo bıə.
Im aksiyaonədə millət, de Həzrəte Əhməd İbne Musa(ə)-i pokə hərəmi terroristiyə cinoyəti hodisə şəhidon ailon hamdardəti kardən iyən İslamiyə İroni deşmononku ıştə nifrəti nışoşon do.
De Həzrəte Əhməd İbne Musa(ə)-i pokə hərəmədə dəhşətinə cinoyəti məhkum kardey aksiyaon bərpo bey həmzəman, Tehronədə və cımə nımoji handey bəpeşt, Şəhidon mayor Əmir Kəməndi iyən Sed Fərid Məsumi həm pokə bədəni təşie mərosim həm bərpo bıə.
İslamiyə təbliğati həmohənqi şura, zinə Şahçirağ (ə)-i terroristiyə hodisə məhkum kardey bəpeşt, ım aksiya oxonə ğətnomədə elanış karde: ım cinoyəton vey muhim və əsliyə mıttəhəm, Amerkə məhv iyən istikboriyə hukumət və istikboriyə məntəğə prosnə bıə hakimon yəni (Əbəri-Ərəbi-Ğərb 3 kınc) zıneydəmon və beşək ım cinoyətkor iyən ğədorə hakimon xususi məntəğə təslim bıə hakimon ıştən qıvonə cinoyəti əvəzi bədon.
