Ğalibaf: Şirozi cinoyəti sabitış karde ki, deşmınon bo kişvəri təcziyəro ratədə nıştən

İroni İslomiyə Şurə mclisi rəis bə şahçeraği hərəmi terroristiyə həmlə barədə təkidış ka: ın cinoyətsabitış karde deşmınon bo kişvəri təcziyəro ratədə nıştən

Dəvardə haftə Çoşanbə ruji Aban manqi 4 minə ruj terroristə fərd de silah bə Şiroz şəhri Şahçeraği hərəmi daxil bıeədə bə zəvvoron qıloləş ğande ki, ın terroristiyə hodisədə 13 nəfər Şəhid və 30 nəfər zəxmin bin.

İroni İslomiyə Şurə məclisi rəis Muhəmməd Bağer Ğalibaf məclisi ələni iclosi sıftədə Şiroz şəhri şahçeraği hərəmədə terroristiyə cinoyətış bə İroni millət və Şəhidon xeyzoni səbəsəlomətiş do.

Bə İrna raporti əsos Ğalibaf votışe: jəğo ki, İslomi İnğilobi yolə Rəhbər hamiyəşone ın cinoyəton sər mənşə barədə ğətiyə hərəkəton zəruriye.

İslomi İnğilobi məclisi Şurə rəis votışe: deşmınon bo kişvəri təcziyəro ratədə nıştən, ın cinoyət nışonış do ki, deşmın hərəkət kardə kişvəri əmniyəti bəyandı bıjənon.