Dəvardə manqədə İroni ğəyre nat ixracati 25 faiz əlovə bey

İroni ticarət, məədən və sənaye vəzorətxonə sıxənəvot xəbəş do: dəvardə manqədə İroni ğəyre nat ixracat, 25 faiz əlovə bıə.

Bə İrna raporti əsos,İroni ticari, məədən və sənaye sıxənəvot, Umid Ğalibaf ıştə Tvitterədə nıvıştəşe: dəvardə manqədə(Mehr) İroni ğəyre nat ixract, de Şəhrivərə manqi muğaisədə, 25 faiz əlovə bey nışoş do.

Ğalibaf ijən əlovəş karde: dəvardə 7 manqi mıddətədə, İroni xarıci ticari miğdor həm 60 milyard dollariku dəvardedə.

Miladi 2021 minnə sori Avqustə manqi 3 minnə rujədə, İroni 13 minnə dıvləti ko bino bey zəmoniku, xarıci siyasətədə de balans icod kardey elami, de hamsuyəon iyən məntəğə kişvəron  həmkoəti hevujəti, ıştə xarıci bərnoməon iminnə koon ğərorış doə.

Regionalizm  siyasət, bə şərğ diyə kardey, beynəlxalğ iyən məntəğə təşkilaton iyən onemonon əcumlə Şanxay iyən Eko iğtisodi həmkoəti təşkilatədə iştirok kardey əcumlə İroni xarıci siyasəti balans icod kardey nımunəonin ki 13 minnə dıvləti səmtiku dumo bəbe.