Bə Abanə manqi 13 minnə mınosibəti xoto, Sepah Təşkilati bəyoniyə.

İslamiyə İnğilobi Sepah Təşkilat de Abanə manqi 13 minnə ruj mınosibəti, de dınyo istikbori mubarizə bardey milliyə ruji yolqətey, ım ruji jıqo vəsvış karde: ımruj çı muğaviməti nımoyeş doey, İroni milləti de istikbori mubarizə bardey, ijən Amerkə anti bəşər iyən terroristiəy rejimi zəifəti və rısvo bey ruje.

Bə Tele Rədio aqentiyəti raporti əsos, ım bəyoniyədə Sepah Təşkilat bə İroni millət və islamiyə nizomi ələyh sıpiyə kə deşmənçiyətion muxtəlif və dırozə siyohə işorəş karde ki çəvonku har qılə bois bıə qıləy əksə hisobi kitobi ğolibədə çəvonro məğlubiyət nəticə bıdə.

Sepah bəyoniyədə ijən omə: Abanə manqi 13 minnə ruj bə İroni ələyh Amerkə şərrə koon iyən deşmənətion təcəssume iyən Abanə manqi 13 minnə rujədə, ım yolə Yəomullah ruji yolqətey milliyə aksiyaədə, zumand, mıstəğil və səbarzə İroni vey yol və bozorqvarə millət deştə inğilobi, hərorətin iyən ilhaməbaxşə iştiroki nışo bədon ki həmmə tərəfiyə tərkibi canqədə, oxonə iğtişoşon sionist rejim iyən Amerkə fitnə məğlub bıə və İronıjon muğavimət, de istikbor mubarizə bardey iyən çəvoni istadeqi bə dınyo həmmə kəson xususi sıpiyə kə nodon və çırkinə hakimon subitə bəbe.