Ostoro marzi terminaliku əmtəə xarıc bıey tranzit, 56 fayiz ziyod bıə.

İroni Şimol, Qilon ostan, Ostoro marzi terminali sərpərəst votışe: Şəmsi 1401 minnə sori iminnə 6 manqi mıddətədə Ostoro marzi terminaliku əmtəə xarıc bey tranzit, dəvardə sori muğaisədə, 56 faiz əlovə bıə.

Ostoro marzi terminali sərpərəst Rəmezan Danış de İsna aqentiyəti votımonədə bəyonış karde: de 6808 qılə yolə kəşti vositə, tranziti Ostoro marzi terminaliku əmtəə xarıc bey tranzit əncom bıə ki 52 faiz əlovə bey nışoş do, əv ijən əlovəş karde: cari sori iminnə 6 manqi mıddətədə, Ostoro marzi terminaliku de tranziti yolə kəştion vositə, 448 həzo toniku vey əmtəə ixrac bıə, ki ım miğdor dəvardə sori muğaisədə 12 faiz əlovə bey nışoş do.

Danış ijən votışe: həminə mıddətədə Ostoro marzi terminali royku və de 29 faizi əlovə bey, 725 həzo toniku vey məhsul varid bıə və cari sori iminnə 6 manqi mıddətədə Ostoro marziku xarıc bıə boy avtomobilon mığdor 20 faiz əlovə bıə iyən həminə beynəlxalğə marziku varid bıə boy avtomobilon mığdor, 36 faiz əlovə bey nışoş do.

Ostoro marzi terminali sərpərəst ijən işorəş karde: cari sori iminnə 6 manqi mıddətədə Ostoro marziku xarıc bıə roməkəs iyən mısofiri mığdor 12 faiz əlovə bıə, ijən təsdiğış karde: cari sori iminnə 6 manqi mıddətədə bə Ostoro marz varid bey roməkəs iyən mısofiri mığdor, 21 faizə əlovə bıə.

Ostoro beynəlxalğ və marzi vırəcoədə de diğğət bə ixracat və varid beyy məxsusə vırə iyən əhəmiyyət, Ostoro marzonku ixracati miğdor çəşəçiye. Və ım marzi şəhrıston de məxsusə vırə vositə, məntəğədə İron İslam Respublika ticarətədə vey muhimmə rolış heste.