İroni kəşfiyot vəzir: İnqilis, İroni noəmn kardey xərcon bədoe.

İron İslam Respublika kəşfiyot vəzir bə kişvərədə bıə iğtişoşon icod kardeyədə deşmonon rol işorəş karde iyən votışe: İnqilis, İroni noəmn kardey xərcon bədoe.

Bə Məhsa Əmini marqi bəhonə İronədə tojə iğtişoşon co kərə bois bıə ta İron İslam Respublika deşmonon ım fırsətiku istifodə kon və İroni daxıli koonədə mıdoxilə kon, və iğtişoşon har çəxtə əlovə beyro, qıləy təhrik bıbun.

Oxonə iğtişoşonədə Amerkə iyən bəzi siyasi yolon, çəvon mediyaon və ğərbi himoyə jintonədə deşmonon farsi zıvonon, qıləy ğəqinə hodisəku sui-istifodəşon kardə iyən de İroni millətihəxonku himoyə kardey şuar, iğtişoşqəronku himoyə və milləti əmniyyəti məhv kardey dumoədə bin, həminə cərəyoni cəvobədə həm çand milyon İroni millət kişvəri xiyabonon və meydononədə ıştə nizom iyən kişvəri homoyətışon kardə və de iğtişoşon ıştə muxalifəti nışoşon do.

İron İslam Respublika kəşfiyot vəzir Huccətul İslam Sed İsmail Xətib de Həzrəte Ayətullah Xamenei əsəron oqətey iyən muntəşir kardey dəftəxonə votımonədə təkidış karde: kişvəri oxonə hodisəonədə, icraədə sionist rejimi dast, təbliğatonədə İnqilisi dast, iyən xərc kardeyədə Səudiyə rejimi dast vey oşko be.

Huccətul İslam Sed İsmail Xətib ijən əlovəş karde: İron hiç vaxt bənə İnqilis, co kişvəron noəmn soxtey iyən terroristiyə hərəkəton himoyəkə nibəbe, əmmo ım kişvəronədə noəmni icod bey vəy qəteyro hiç təəhudi nibəbe, çən İroni noəmn kardeyro, İnqilis ıştə hərəkəton xərcon bədoe.

İroni kəşfiyot vəzir həmçınin bəyonış kard ki İroni əmniyyəti təşkilati tərəfo, İnternəşenali İroni kanal bənə terroristiyə təşkilat zıney bıə, və ım kanali amilon İron İslam Respublika kəşfiyot vəzarətxonə tərəfo təğib bəben, və de ım terroristiyə kanali harcurnə rabitəon bənə bə terroristiyə baxş varid bey iyən milli əmniyyəti təhdid kardey bə hisob bəome.