Qeneral Pakpur: İroni Sistan və Bəluçestanədə separatçiyəti məsələ mənoş ni

İroni Sepah təşkiloti zəmini ğıvvon fərmondə: İroni Sistan və Bəluçestan ostanədə təcziyətələbə fəaliyəton tam beəsosin.

Bə İrna raporti əsos, İroni Sepah təşkiloti zəmini ğıvvon fərmondə Qeneral Muhəmməd Pakpur zinə çı  Sistan və Bəluçestan ostani şiə və sınni alimon və sıpirişon cəmədə əlovəş karde: İron islam Respublika həmonə nizo heste ki dınyo irodəş karde ta bənə Suriyə və İraği suğut bıko, əmmo de Sepah təşkiloti irodə ın koy bə vırə nırəsə.

Qeneral Muhəmməd Pakpur inkişof və ozavziye çı əmniyəti sayədə zınəş be və və təsdiğış karde ki dışmon de noəmni icod karde Sistan və Bəluçestanədə inkişofi vəy qətış pidə.

İroni Sepah təşkiloti zəmini ğıvvon fərmondə bə milləti əmniyəti bə yandı jə kəson notaş do iyən təkidış karde: dəşmon har zəminəku bə ın ostani əmniyəti zərbə varid kardero ko kardedə çən ostani yolon bəpe Sistan və Bəluçestani obrazi bevəc bey vəy qəteyro cəhd bıkon.

Ğeyd kardənine ki  Sistan və Bəluçestan ostanədə anədə ğovm-ğəbiləon hestin ki şiə və sınni məzhəbiku uzvon şomil heste ki ın çın ostanədə vəhdəti nışonəy.

Sistan və Bəluçestan ostanədə bıə viloyətsoybə millət de Həzrət Muhəmməd(s) sirəku təbəiyət kardey həmmişə i bemon və vəhdəti jintonədə bin və de jığonə ailəvi anqıl məzhəbi cəhəto əvoni yandeku co karde əbı ni.

Sistan və Bəluçestan ostanədə bıə vəhdət həmmişə dışmonon əsəboniyəti bois bıə, andə ki İronədə tojə iğtişoşon cərəyonədə xəbisə dışmon ijən ın ostanədə bəzi təhrikomizə təfrəğə icodəkə kooni əncomış do, əmmo bənə dəvəardəyon ijən bə vırə nırəsə.