İğtisodi həmkoətion zumandətiro Rəyisi çı Rusiyə meyliku himoyədorətiş kardə

İron İslam Respublika prezident de İron İslam Respublika iğtisodi həmkoətion zumand kardeyro Rusiyə meylon, infrastrukruri əlovə bey əcumlə Avrasiya baxşədə rabitə xətton və roon bə inkişof rosniyeku himoyətış kardə və ım məsələon çı məntəğədə iğtisodi həmkoətion və ticari rabitəon rovnəği amil bə hisobış varde.

Bə Prezidenti məlumatərosnə mərkəzi raporti əsos, Zinə əsrədə Sed İbreym Rəyisi bə Rusiyə prezident Veladimier Putini telefoniyə təmasi cəvobış do iyən de İron İslam Respublika iğtisodi həmkoətion zumandətiro Rusiyə meylonku himoyətış kardə.

Əv ijən bə 2 qılə kişvəri miyono iğtisodi və diplomatic əloğəon şe-omeon əlovə bey işorəş karde və 2 qılə kişvəron miyono həmkoətion zumandəti və rabitəon səthi əlovə beyədə, iğtisodi və siyasi məşverəton vey muhimm bə hisobış varde.

Im telefoniyə votımonədə, Rusiyə prezident Veladimer Putin həm bə İroni coqrafiya məxsusə vırə təkidış karde iyən şimol-cənub koridor, bo vırə bə vırə kardey xərcon iyən çəy zəmoni kam kadeyədə, vey təsirin zıneydə və votışe: dınyoədə ım tranzitə roy ticari və iğtisodiro bə qıləy cəzobə roy əvəz bıə.

Putin həmçınin bə Rusiyə 100 nəfəri ticari heyəti səfər bə Tehron işorəş karde iyən votışe: ım səfər bənə Rusiyə iğtisodi yolə heyəti 3 minnə səfər bə İron bə hisob omeydə və İron iyən Rusiyə rabitəon hevujətiro veyə zəminəon iyən zərfiyəton mucude.

Rusiyə prezident həmçınin bə İroni Şahçiroği terroristiyə hodisə işorəş karde və co kərə de İroni millət və dıvlət hamdardiş elan və ım terroristiyə hodisə məhkumış kardə.

İron və Rusiyə miyono rabitəon əlovə bey ğərbi kişvəron xususi Amerkə niqəronəti bois bıə.

Çımiku bənav, Sed İbreym Rəyisi Ozbəkistoni Səmərğənd şəhrədə, Şanxay həmkoətion təşkilati iclosi kənoədə, de Veladimer Putin vindemonış kardə be.

Im vindemonədə Putin de İroni prezidenti vindemoniku ıştə rizoyəti nışo doə və votəş be: vey dırozə soron mıddətədə İron və Rusiyə rabitəon icod bıə və həmmə baxşonədə hovuj bey holədəy.

Co tərəfiku dəvardə haftə Rusiyə fedrasiya şura sərkatib, Nikolay Patroşev bə İroni milli əmniyyəti şura sərkatib, Əli Şəmxani dəvəti əsos, bə Tehron səfərış kardə be, dəvardə Pencşəmbə rujədə həm, Patroşev de Rəyisi vindemonış karde.