Sistan və Bəluçıstonədə İslamiyə İnğilobi Yolə Rəhbəri vığandə heyəti iştirok

Zinə şəv İslamiyə İnğilobi tərəfo qıləy vığandə bıə heyət, bə Sistan və Bəluçıston varid bıən.

Bə Sistan və Bəluçıstoni mərkəzi tele-rədio aqentiyəti raporti əsos, zinə şəv İslamiyə İnğilobi Yolə Rəhbəri nımoyəndə, Huccətul İslam Hac Əli Əkbəri, və Huccətul İslam vəlmoslımin məhdəvimehr iyən Huccətul İslam vəlmoslımin Lotfiyan de Sistan və Bəluçıstonədə bıə Vəlie Fəğih nımoyəndə iyən ım ostani bəzi rəsmi şəxson istiğboli bə ım ostan varid bıən.

Huccətul İslam vəlmoslımin Muhəmməd Cəvad Hac Əli Əkbəri bə ım ostani varid bey zəmonədə votışe: bə Xıdo şık kardəmon ki dustə şəhr və dustonro çı İslamiyə İnğilobi Yolə rəhbəri tərəfo, səlom iyən mesaji vardəmone, ta bə Sistan və Bəluçıstoni ostani millət İslamiyə İnğilobi Yolə Rəhbəri səlomi bıvığandəmon, həmçınin oxonə hodisəon barədə Ə Həzrəti norohəti iyən ğəm, və problemon həlliro ali tədbiron və de ım ostani yolon və muxtəlifə qrupon vositə tədbiron bə iştirok bınəmon, ım səfərədə həmçınin de ım hodisə şəhidon, kıştə bıə kəson iyən conbozon və zəxmin bıə kəson vindemon və de əvon hamdardi kamon.

Ə ijən ıştə sıhbəton dəvomədə votışe: həlbətə həminə mıddətədə ostanədə iyən de Sistan və Bəluçıstoni ostandari koməki, bəzi roon dumoədəmon əmmo vardə tədbiron çı İslamiyə İnğilobi Yolə Rəhbəri məxsusə tədbire və umidımon heste ki de xəy iyən bərəkəti bə ico bıbu.

Huccətul İslam vəlmoslımin məhdəvimehr, Cameətol Mustəfa heyəti sərkatib iyən Huccətul İslam vəlmoslımin Lotfiyan sınnion dini məktəbxonəon bərnomə kəşə şura sərkatib, ım heyəti co qılə uzvon bin.