Rəyisi: futbol milli komanda cəhdon, karde bəzne milli həmdıləti zumandəti bois bıbu
İron İslam Respublika prezident bəyonış karde ki deşmonon iyən bədxahon, pidəşone ki çəmə milləti qəvədə səbarzətion iyən muvəffəğiyəton tıl bıbun, ijən votışe: futboli milli kamanda cəhdon, karde bəzne milli həmdıləti zumandəti amil bıbu.
Ğətəri beynəlxalğə mısobiğəonədə, İroni milli komanda B nomo bıə qrupi mısobiğəonədə de Amerkə, Britaniya və Uels hamqrup bıə.
Miladi 2022 minnə sori Noyabrə manqi 21 minnə rujədə, İroni iminnə hənək bərpo bəbe.
Bə İrna raporti əsos, zinə və Miladi 2022 minnə sori Ğətəri futboli beynəlxalğədə fəxrinə iştirokiro Futboli milli komanda mışoiyət kardey mərosimədə, İron İslam Respublika prezident, Sed İbreym Rəyisi, ım komanda hozzo kardeyro texniki kadri cəhdonku ğəddonətiş karde iyən votışe: varzışi muxtəlifə meydononədə, İronıjə varzışkoron vey muhimmə amilon, ğəyrət iyən ciqəmandəti və anqizəy ki bəpe ım yolə nemətixoto, mıtəalə Xıdo şık kəmon.
İroni prezident ıştə sıxənon dəvomədə bə Futboli milli komanda hənəkon xətob votışe: ısət ki bə ıştən veyə himmət iyən cəhdon xoto, mıtəalə Xıdo İron İslam Respublika futboli milli komanda oləti tan kardey fəxr iyən neməti bə şımə mıkofot doəşe, de ıştən veyə cəhdon vositə ım yolə neməti İroni milləti şoəti royədə istifodə bıkənən.
Rəyisi ijən saxtə meydonon iyən baxşonədə bə mıtəalə Xıdo təvəkkul kardey səbarzəti və muvəffəğiyəti sır elanış kardə iyən təsdiğış karde:vaxti şımə İroni millət və İslamiyə İroni tərəfdaron dıli şo kardedən və ım kişvəri səbarzəti və izzəti bəştə hədəf ğəror dodən, beşək mıtəalə Xıdo həm ıştə inoyət və himoə bə şımə hədyə bədoe.
Əv ijən əlovəş karde: ım kişvəri fəxrinə boydəği rost kardey, və dınyoədə İroni nomi barz iyən muvəffəğ nışo doeyədə, çand həzo nəfər şəhid bin, əv ijən təsdiğış karde: ım mıvzo İron İslam Respublika boydəği hormət iyən pokəəti oqətey əhəmiyyəti mızvo 2 bərobər kardəşe.
Rəyisi ijən bəyonış kardə kali şəxson İroni cıvonon muvəffəğiyət iyən səbarzəti pidəşon ni, bə şımə təmərkoz iyən diğğəti məhv kardey dumoədən, əv ijən votışe: ım zəminədə de şiddətin mıqət bıbən.
Əv ijən əlovəş karde: hiç curnə icozə nıdon hiç cərəyon ya məsələ şımə təmərkozi məhv ko və şımə həmmə irodə iyən cəhd ım bıbu ki ıştə kişvəriro iftixor kəsb bıkənən.
