Tehroni cımə nımoji xətib: iğtişoşçiyon, islami nizomi zumandəti hədəf qətəşone
Tehroni cımə nımoji xətib, polis, sepah, ərtış və bəsici hərbiçionku bənə İron İslam Respublika zumandəti simvoli yodış kardə iyən votışe: bə İslamiyə nizomi zumandəti zərəl jəey, iğtişoşçion hədəfonkue.
Tehroni cımə nımoji xətib, Ayətullah Sed Əhməd Xatəmi, İroni bəzi şəhronədə bıə iğtişoşon barədə təsdiğış karde: iğtişoşçiyon vey muhimmə hədəfonku qıləyni İroni nizomi məhv kardeye və ıştən bə ım mıvzo aqahin.
Ayətullah Xatəmi dukonon bastey və vojoron tətili karde məsələ barədə bə iğtişoşçiyon tərəfo mağaza soybon təhdid kardey işorəş iyən əlovəş karde: dukon soybon iyən qədə tociron bə iğtişoşçiyon təhdidon diğğət nıbəkarden, və əvoni həm ki ıştə dukoni basteşon ıştə moli zərəl vindey tarsiku ım koy əncom dodən.
Tehroni cımə nımoji xətib ijən təsdiğış karde: ımruj həmmə kafiron, bə həmmə imoni canq omən və Amerkə, sionist rejim, Fransə, İnqilis və həmmə anti İron, səltənət tələbon mınofiğon və bə nifrəti loyiğ bıə qədə terroristi qrupon bə meydon varid bıən və de islam dini dışmənətişon heste, boçiki əqə de din, ruhanion və Kərimə Ğıron iyən məçiton dışməti və bəy be ehtıroməti iyən tovhin kardən.
Ayətullah Xatəmi bə islami nizomi zumandəti zərəl jəe, iğtişoşçiyon co qılə hədəfonku bə hisobış vardə iyən votışe: zəif iyən be iğtidorə hukumət karde zınəş ni əmniyyəti bərğəror bıko, və iğtişoşçiyon İslami nizomi hədəf qətəşone.
Tehroni cımə nımoji xətib həmçınin məhkəmə ğıvvəku təşəkkurış kardə ki vey rə bə səhnə omə və iğtişoşçiyon rəhbəron mıhokimə kardedə əv ijən əlovəş karde: bəzi iğtişoşçiyon 3 qılə unvan yəni ğati, muxalif və usyançiyəti ittihomi soybin, və bəpe bə islami cəzo, daxıli anti əmniyyəti hərəkət, duə xəbəon muntəşir kardey, iğtisodi nizomədə benəzmi icod kardey, noəmni, təxrib kardey prinsipi əsos, mıhokimə və cəzo doə bıbun.
De ım vucudi ki de İron İslam Respublika dim bə dim mandeyədə, iğtişoş və terror çı deşmonon əcumlə Amerkə və sionist rejim çand sornə roonku bə hisob omeydə, əmmo oxonə haftəonədə, İroni bəzi şəhronədə, etırazon, no oromətion və vızmətion əlovə beyro, deşmonon ıştə həmmə siyasi iyən mediyə zumandətionku istifodəşon kardə.
