Zahidoni Movlaye Muttəğiyon məçiti İmom cəmoəti şəhodəti amilon dastqir bıən.

İroni Sistan və Bəluçıston ostani kəşfiyot qıləy bəyoniyədə Zahidon Molaye Mottəğiyon i İmom Cəmaəti şəhodəti amilon dastqir kardeyku xəbəş do.

Zinə ruji İroni Sistan və Bəluçıston ostani kəşfiyoti bəyoniyədə ome: de kəşfiyot vəzarətxonədə bıə İmom Zəmon(ə)-i qim bıə sərbozon vositə, Zahidon Molaye Mottəğiyan məçiti İmom Cəmaət "Huccətul İslom vəlmuslemin Səccad Şəhrəki" şəhodəti amilonku 5 nəfər, dastqir bıən.

Miladi 2022 minnə sori Noyabrə manqi 3 minnə rujədə, no məlumə silohinə şəxson, "Huccətul İslom vəlmuslemin Səccad Şəhrəki" şəhid kardışone.

Polisi iminnə təhğiğatonədə, oşko bıə silohinə şəxson de 2 qılə maşini və de təpançə vositə bə "Huccətul İslom vəlmuslemin Səccad Şəhrəki" səmt qullə ğandışone ki bə çəy sə və sinə qullə isobətış kardə be.

Bə İrna raporti əsos, İroni Sistan və Bəluçıston ostani kəşfiyoti bəyoniyədə ome: mıttəhəmon ıştə iminnə etırafonədə bə kişvəri xarıciku de deşmonon qədə qrupon və cəsusi sistemon rabitəon etırofışon kardə və həmçınin ım şəxosn etırofışon kardə ki bə şiə və sınni vey muhimmə şəxson ələyh iyən İroni Sistan və Bəluçıston ostanədə məzhəbi canq və 2 ğotbəti icod kardey hədəfi, ıştə terroristiyə hərəkəton əncom dodən.