Rəyisi: beşək Şəhid Suleymani xuni intiğomi sıey bəbe

İron İslom Respublika Prezident votışe: Amerkəvıjon bıznən ki İroni millət Qeneral Ğasım Suleymani xuniku dəvardəşon nibəbe, və beşək ım bozorqvarə şəhidi xuni intiğomi qətə bəbe.

Bə İrna raporti əsos, Tehroni İmom Xomeyni(r) mussəllaədə, Qeneral Suleymani şəhodəti 3minnə sorəqardışi yolqətey milləti yolə qırd bemonədə, İron İslom Respublika prezident, Sed İbreym Rəyisi işorəş karde ki təhəvul tələb iyən ədolət tələbə insonon vucud, mandey iyən meydonon oqətey boise ijən əlovəş karde: qeneral Suleymani qıləy şəxsiyət be ki nə fəğət bə İroni millət bəlkəm dınyoədə bə həmmə mısılmonə milləton fik əki.

Im mərosimədə ki milləti muxtəlifə qrupon, şəhidon ailəon, conbozon, beynəlxalğə mehmonon, kişvəron səfiron, kişvəri iyən ləşkəri ali rəsmi şəxson iyən beynəlxalğə şəxsiyəton iştirokışon be, İron İslom Respublika prezident əlovəş karde: Şəhid Suleymani yolqətey, de istikbor iyən terrorizm mubarizə bardey, həmmə çokətionku ğədrdonəti kardey, sultə nizom, istikbor və zılmiku ıştə nifrəti elan kardey sima iyən simvole.

Rəyisi ijən votışe: Qeneral Suleymani yolqəteyədə iştirok kardey mesaj bə həmmə ozodə jenon və mırdon ıme ki bəpe de muğavimət və zılm iyən sıtəmi vositə, bə istikborəkəyon həmmə roon dəbastə kəmon.

İron İslom Respublika prezident ijən bə ım məsələ işorəş karde ki Şəhid Suleymani Amerkə əzəməti darşiyəşe, əv ijən əlovəş karde: məntəğədə şəhid Suleymani həm şəxsiyət soxtey amil iyən həm islomi şəxsiyəti bəjiəkə be.

İroni icroiyə ğıvvə yol və islomiyə inğilobi deşmonon iyən Amerkə xətob təkidış karde: jəqo ki şəhid Suleymani istikbor və sultə tələbəti iyən zılmi vədə muğavimət kardəşe iyən məntəğədə muğaviməti xəlğış kardə be, ımruj həm İroni cıvonon deşmonon vədə tosə oxo muğavimət bəkardən.

Milodi 2020 minnə sori Yanvari 3 minnə rujədə, İslomiyə İnğilobi Sepah Təşkiloti Ğuds nomo bıə ğıvvə nakonə komandir, Sərdor Ğasım Suleymani qıləy holədə ki bə İraği rəsmi şəxson rəsmiyə dəvəti əsos bə ım kişvər dəvətış kardə be, Bəğdadi airporti nezədə Amerkəvıjə terrorist iyən mıtəcuvizə ğıvvon həvoiyə həmlə cərəyonədə, və de İraği milləti bəsici yoli muavin Əbuməhdi Əlmuhəndes iyən 8 nəfər çəy canqəkəyon bə ico şəhd bıə.