İroni nati ixracati əlovə bey

İroni Nat, kimyə iyən qazi məhsulon ixracəkəyon ittifoği sıxənəvot, İroni nati ixracati əlovə beyku xəbəş do.

Çımiku bənav, İroni nati vəzir, Cəvad Oci elanış kardə be har ruj İroni nati ixracat bə 3 milyon barel rəsedə.

İroni nat, qa iyən kimyə məhsulon ixracəkəyon ittifoği sıxənəvot, Seyd Həmid Huseyni votışe: Milodi 2022 minnə sori oxonə manqonədə İroni nat ixracat, əlovə peydoş kardə və İroni nati ixracat vey bə Venezuela iyən Çin kişvəron be.

İroni nat, qa iyən kimyə məhsulon ixracəkəyon ittifoği sıxənəvot Tele-Rədioədə qıləy bərnomədə əlovəş karde: İroni ixracati əlovə bey bə qlobal meydonədə bıə hodisəon vabəstəy, və həmçınin bə məsələoni vabəstəy ki Rusiyə de ğərbi kişvəronış heste və ijən bə problemoni vabəsətəy ki Rusiyə xomə nati ixracatiro icod bıə.

Huseyni həmçınin votışe: de Venezuela təvafuğatoni əncom domone və çand qılə ki nati zavot çəmə ixtiyorədəy iyən həmonə vırədə İroni ixrac bıə nati parzıniyemone.