Xiyobonədə milləti iştirokiku ğədrdonəti; Dışmoni bəbe çimiku vey peşmonkəmon

İroni İslomi Respublikə Ləşkəri sər komandan çe mərdumi xiyobononədə bıə dayimiyə iştirokiku ğədrdonəti kardə holədə votəşe:İroni milləti bəsə zonusə nıştovney oruzu amerkə iyən sehyonist rejim bə qur bəbarde.

Bə Pars-Tudey doə məlumoti əsos,İroni İslomi Respublikə Ləşkəri sər komandan qeneral Hatəmi bo İroni mıdofiyəro de bə millət iyən silohinə ğıvvon confədoəti işorə kardə holədə təkidış kardə:de çandə həzo inson bənə az bə ın mərdum iyən İroni sərzəmini fido bıbum iştiroki,dışmen İroni milləti bəsə zonusə nıştovney oruzu bə qur bəbarde.Əy işorəş kardə ki,dışmen iddiyo kardedə ki,çe İroni dıyo ğıvvonış çe miyoniku bardə,təkidış kardə:ım ğıvvə ımruj mehkəm mandə iyən dışmen 300-300 kilmetri məsofə çın dıyo ğıvvonku rioyət kardedə.Qeneral Hatəmi oxoyədə çe İroni İslomi Respublikə ləşkəri canqəvəron Seminə Tətbiği Canqi cərəyonədə İsfəhoni əyoləti cənubədə bo amerkəvıjon hozzı kardə ratəkuş xəbə doe və votışe: Kəşfiyyoti həmmə unsuronbo dışmeni darışteyro bə İsfəhoni cənub oməbin və İroni İslomi Respublikə ləşkəri canqəvəron bəsə dışmenisə rubin iyən de iminə qullə ğandey çe dışmeni C-131 təyyorə məhf kardey be.