İsveçədə bıə Kərimə Ğıroni be ehtıroməti karde, İroni tərəfo ğoym surətədə məhkum bıə
İroni xarıci vəzarətxonə sıxənəvot, İsveçədə bə kərimə ğıroni be ehtıroməti kardey ğoym surətədə məhkumış karde iyən votışe: İsveçi dıvlət bəpe həminə anti islomi rəftoron vəy bıqəto iyən çəvon amilon cəzo bıdə.
Bə xarıci vəzarətxonə sıxənəvot koon iyən məlumatərosnə idorə raporti əsos, zinə şəv, və Avopa kişvəronədə bə Kərimə Ğıroni be ehtıroməti kardey dəvomi ki ın kərə İsveçədə icod bıə İroni xarıci vəziri sıxənəvot, Nasır Kənani ım hərəkəti məhkumış karde iyən votışe: de təəsufin bəzi Avropa kişvəron bənə dəvardə ozodə bəyoniku himoyə çərçivədə, anti muğəddəsəçiyon iyən islomi erjonədə nifrət icod kardey royədə, ifrotiyə amilon dasti ozod noəşone və de ımvucud ki ıştə bəşər həxon barədə ğəşənqə şuaron doən əmmo ıştən ictimaiyətədə, anti islom və islom fobiya təsbit kardey holədən.
Kənani Çafi bə 1.5 milyard mısılmonon osmoniyə kitobi be ehtıroməti tikror kardey həmm mısılmonon ələyh vızməti rəvoc doey iyən nifrət icod kardey oşkoə nımunə zıneydə iyən votışe: jıqo hərəkəton de bəyon iyən nəzəonədə ozod bey hiç rabtış ni.
Zinə Şəmbə rujədə, "saxtə xət" nomo bıə Danimarka ifrotiyə rostə partiya rəhbər, Rasmos Palodan, Stokholmədə bıə Tırkiyə səforətxonə nezədə və polisi əmniyyəti şiddətinə təbdiron miyonədə, Ğıroniku qıləy nosxə otəşış jə, ki ım hərəkət de Tırkiyə dıvləti tındə reaksiya bə ico be.
