Avropa kişvəronədə Kərimə Ğıroni təhğir kardey barədə İroni Yolə Rəhbəri nəzə

Avropa kişvəronədə bıə bə Kərimə Ğıroni təhğir kardey reaksiya nışo doe xoto İroni Yolə Rəhbər təkidış karde: de ozodə bəyoni şuari jığo de condoə hərəkəton Kərimə Ğıroni təhğir kardey nışo doydə ki istikbori həmləon hədəf çı islom və Ğıroni rişə iyən prinsiponin.

Bə İranpress aqentiyəti raporti əsos, Həzrət Ayətullah Xamenei əsəron hifz və nəşr bıdə mərkəz ıştə ərəbi tvitter səhifədə Avropa kişvəronədə Kərimə Ğıroni təhğir kardey barədə İroni Yolə Rəhbəri nəzəonku ğeydış karde: de ozodə bəyoni şuari jığo de condoə hərəkəton Kərimə Ğıroni təhğir kardey nışo doydə ki istikbori həmləon hədəf çı islom və Ğıroni rişə iyən prinsiponin.

İroni Yolə Rəhbər həminə mətləbi dəvomədə təkidış karde: istikbori planon əks, Kərimə Ğıron har ruj vey nurani bıdə iyən tale bə islam dini məxsus heste.

Ə həzrət votışone ki dınyo həmmə ozod tələbon bəpe mısılmonə milləton kənoədə muğəddəsə çiyon təhğir kardey iyən nifrət nışo doey siyosəti vəy bıqəton.

Tojədən "Saxtə xət" nomo bıə Danimarka ifrotiyə rost tələbə partiya rəhbər, Rasmus Palodan, Stokholmədə bıə Tırkiyə səforətxonə nezi və polisi əmniyyəti şiddətinə təbdiron jintonədə, Ğıroni qıləy nosxə otəşış jə.

Palodani həminə hərəkət de islomiyə kişvəron və mısılmonon şiddətinə məhkumiyəti dim bə dim bıə iyən kişvəron İsveçi dıvlətiku vey tənğid kardən.

İron İslom Respublika xarıci vəzarətxonə həm Avropa kişvəronədə Kərimə Ğıroni təhğir kardey dəvomi ki ın kərə İsveçədə əncom bıə, de şiddəti məhkum kardəş kardə.