Rəyisi: İroni milləti irodə mığobilədə deşmoni tərkibiyə canq məğlub bıə

İron İslom Respublika bəyonış karde: İroni deşmonon bə milləti ələyh tərkibiyə canqi ko binoşon kardə, əv ijən votışe: İroni milləti irodə deşmonon silohon be nəticə mande.

Bə İran Peres aqentiyəti raporti əsos, zinə Cımə rujədə İRon İslom Respublika Prezident Seyd İbreym Rəyisi İroni cənub Boşehr ostani Dəşti şəhrıstoni milləti ictimaədə, bəyonış karde: ımruj həmonə çi ki İroni millət soybin istiğlol, ozodi və hərbie ki bə dini demokratiya və milləti sədo əsose, əv ijən əlovəş karde: muxtəlifə baxşonədə İroni millət, "əmə karde bəznemon" şuari bə icra mərhələ rosneydən və de irodə və ğoyməti vositə, izzət və istiğloli dumoədən.

Rəyisi ijən bəyonış karde: İroni milləti zumandəti, 8sornə hərbi canq və təhdidon və sanksiyaon məğlubış kardə və qlobal istikbori həyrətinış kardə, Rəyisi votışe: deşmoni tərkibiyə canq, ki hərbi, iğtisodi baxşonədə de İslomiyə İroni bə inkişof rosniye ğətari be hərəkət kardey hədəfi əncom bey holədəy, məğlub bıə.

İron İslom Respublika bə deşmoni mediya canq ki tələbəon və çəvon ailə miyonədə niqəroni icod kardey hədəfi əncom bey holədəy işorəş karde və votışe: məktəbxonəonədə həminə hodisə icod bey barədə kişvəri vəzir və kəşfiyot vəziri məmurm kardə ki ım məsələ təğib bıkon və komil surət çəy raporton bə millət bıdən.

Dəvardə rujonədə İroni bəzi şəhronədə məktəbxonəon tələbəon zəhrin bıən ki təxəsusi mıvzoon barədə, ım məsələ təğib kardey holədən.