Rəyisi: İroni millət tosə Ğudsi ozodi bə İslomi hədəfon bəfodor bəmanden

İron İslom Respublika prezident votışe: Ğuds beynəlxalğə rujədə, İroni yolə millət deştə hərorətinə iştiroki vositə, co kərə elan bəkan ki tosə Ğudi komilə ozodi bə islomi hədəfon bəfodor bəmanden.

De İron İslom Respublika nizomi təsisəkə, İmom Xomeyni(r)-i təşəbbusi Rəməzan mıburəkə manqi oxonə cımə ruj bənə Ğuds beynəlxalğə ruji nom noə bəy.

Bə Ğuds beynəlxalğə ruj və intifozə ğərorqoh yol, Rəməzan Şərifi elani əsos, Rəməzan mıburəkə manqi 23, Milodi 2023 minnə sori Aprelə manqi 13 və Fərvərinə manqi 25 minnə ruj, Ğuds beynəlxalğə ruji aksiya bərpo bəbe.

Həminə cəhətədə və bə Tele-Rədio aqentiyəti raporti əsos, Zinə Çoşəmbə, İron İslom Respublika prezident, Seyd İbreym Rəyisi Rəməzan mıburəkə manqi 21minnə ğədrə şəvi mərosim və Həzrəte Əmirəlmomenin Əli(ə)-i şəhodətə şəvədə, Həzrəte İmom Xomeyni(r)-i pokə hərəmi zayiron cəmədə bəyonış kardə: İmom Xomeyni(r) Fələstin və Ğudsi məsələ İslom dınyo vey muhimmə məsələ elan və Rəməzan mıburəkə manqi bənə Ğudsi beynəlxalğə ruj və Fələstini məzlumə millətiku himoyə dorəti kardey ruj nom noəşe be.

Əv ijən təkidış kardə: Rəməzan mıburəkə manqi 23 minnə rujədə, ki de Ğuds beynəlxalğə ruji bərobəre, be şək, İroni yolə millət co kərə deştə hərorətinə iştiroki vositə, elan bəkan ki tosə Ğudsi komilə ozodi bə islomi hədəfon bəfodor bəmanden.

Rəyisi ijən votışe: ımruj ki dınyoədə, sultə nizom, İronofobiya, islamofobiya və şiəfobiya hevujəti dumoədən, həmmə kəson əcumlə rəsmi şəxson, tələbəon, alimon, nıtğ kardə kəson, universiti tələbəon təklifışon heste ki de cıvonon sıhbət kardey və de təbyini cihodiku komək qətey, çəvon fiki problemon həl kon.