Əmirəbdullahiyan: Ğudsi ozodi bə islomi marzon məhdud ni

İroni xarıci vəzir votışe: Ğudsi ozodi fəğət bə İslomi marzon məhdud ni, bəlkəm dınyo həmmə ozodtələbon bə yande rəsey noğtəy.

Zinə cımə, mubarək rəməzanə manqi 23 iyən Ğuds beynəl xalğə ruje və təğribən İroni 900 qılə di iyən şəhronədə anti israil aksiyaon bə həminə mınosibəti xoto bərpo bino bıə.

1358 minnə sorədə, İroni islamiyə nizomi yolə memor, Həzrəte İmom Xomeyni(r), bə dınyo həmmə mısılmonon vığandə qıləy mesajədə Rəməzan mıborəkə manqi oxonə cımə ruji bənə Ğuds beynəl xalğə ruji nom noşe.

Im tədbiriku hədəfi, Fələstini sıtəm vində məzlumə millətiku himoydorəti, Sionist be ğanunə rejimi cinoyəton iyən təhdidon vədə Ğuds intifozə zumandəti, bə ın rejimi ələyh cəhbə təşkil doey, israili məhv kardero lozimə zəminəon icod kardey iyən bə məzlumə Fələstinıjon komək kardeyro mısılmonə milləton vəhdət elan bıə.

Bə həminə  mınosibət və bə Fars aqentiyəti raporti əsos, Cımə rujədə və de Ğuds beynəlxalğə ruji həmzəman, İron İslom Respublika xarıci vəzir, Huseyn Əmirəbdullahiyan qıləy Tvittədə nıvıştəşe: Ğudsi ozodi fəğət bə İslomi marzon məhdud ni, bəlkəm dınyo həmmə ozodtələbon bə yande rəsey noğtəy.

İroni xarıci vəzir ijən təsdiğış karde: ımsor sioniston mığubilədə, çəvon kişvəri ğanuni bıhron və suğut kardey ğərorış qəte və əlovə bə ım Ğudsi beynəlxalğə ruji hədəf yəni islomi kişvəron miyonədə inteqrasiya komil kardey həm ğərorış qəte.