Suriyə məmləkətiku İron İslam Respublika tərəfdarətion dəvom

Beynəlxalğə koonədə İron İslam Respublika islamiyə şura məclisi rəisi məxsusə məsləhətçi Suriyə məmləkətiku bə islamiyə Respublika tərəfdarətion dəvom işarəş karde.

Bə Telerədyo aqentəti xəbon əsosi Huseyn Əmir Əbdullahiyan ımruj Tehronədə de Suriyə xarici koon vəziri muavin Feysəl Məğdad təşkil doə vindımonədə votışe: Terrosiston vədə İron Suriyə məmləkətiku mudafiyə bəkay .

beynəlxalğə koonədə İron İslam Respublika islamiyə şura məclisi məxsusə məsləhətçi Suriyə bohrani təşkil bə vaxtiku məntəğə iyən məntəğəku bə kəno xaricion iyən dəxalətkardə kəson bohran təşkil karde həxədə bə yolə rəhbəri bəyonoton işarəş karde və votışe:Dəməşğiku tərəfdarəti karde barədə Tehron ıştə siyasətonış ve çok bə nəticəş rosni.