Devləti sıxənəvot: İroni siyosəti hədəf, xarıci siyosəti balans surət, təğib kardeye

İroni devləti sıxənəvot votışe: İroni 13minnə devləti hədəf, həmmə dınyoədə de bə həmmə qlobal zərfiyəton diyə kardey, xarıci siyosəti balansi təğib kardeye.

Bə İsna aqentiyəti raporti əsos, Pencşəmbə rujədə, İroni devləti sıxənəvot, Əli bəhadori Cəhromi İroni cənub, Kermanədə “inkişofinə rəvoyət kardə kəson iminnə milli iclosi” kənodəə əlovəş kardə: həmonə kişvəron ki İroniro stabil iyən çokə şərikon bin, həmkoəti və iğtisodi həmroətion baxşədə həm vey stabilə şərikonin.

Bəhadori Cəhromi ijən bəyonış kardə: İroni 13minnə devləti metodon bə hamsuyəti diplomatiya diyə kardeye, əv ijən təsdiğış kardə: iğtisodi və ğeyri iğtisodi baxşonədə, İron deştə hamsuyəon yəni marzi muxtəlifə məntəğəon və xususi de 15 qılə hamsuyəon, diplomatiya veyə dırozə kanəti soybe.

İroni devləti sıxənəvot İronədə bıə Ərəbistoni səforətxonə oj bey və İron və Ərəbistoni rabitəon tojədən bino bey barədə həm votışe: bə hamsuyə kişvəron miyono 2 ya çand tərəfiyə zərfiyəton əktiv bey xoto, əmniyyəti inkişof və oqətey, məntəğədə stabiləti əlovə bey, beynəlxalğə rabitəon stabiləti, qlobal baxşonədə məntəğə mıştərəkə təsir noeyro və siyasi, istimai və mədəni baxşonədə muxtəlifə rabitəon icod kardeyro şəroyet hozzo bəbe.