Bə İraği İroni ixracat əlovə bey

İron və İraği ticori palata idorə heyəti uzv işorəş kardə bə İrağ İroni ixracat əlov peydoş kardə və votışe: proqonoz bəbe ki ımsor (Şəmsi 1402 minnə sorədə) bə İrağ İroni ixracat 12 milyard dollariku hə vey bıbu.

Zinə cımə rujədə, İron və İraği ticori palata idorə heyəti uzv, Seyd Həmid Huseyni de Fars aqentiyəti votımonədə, İron və İraği ticori oxonə vəziyəti barədə işorəş kardə: bə İrağ İroni ixracat 529 milyon dollar əlovə peydoş kardə, əv ijən votışe: dəvardə sorədə bə İrağ iixracat, 2 milyardo 398 milyon dollar be ki ımsor bə 2 milyardo 927 milyon dollar rəsə.

Huseyni ijən əlovəş kardə: bə İroni qomroki tojə statestikaon əsos, cari sori 4 manqədə ğeyri nat ticori mığdor 35.5 milyard dollar be.

Həminə mıddətədə Çin, İrağ, Tırkiyə, İ Bıə Ərəb Əmirəti iyən Hindoston 5 qılə vey muhimmə İroni ixracati məhsulon bin və İ Bıə Ərəb Əmirəti, Çin, Tırkiyə, Hindoston və Almaniya həm 5 qılə vey muhimmə İroni varid bey kişvəron bin.

Cari sori 4 manqi mıddətədə 4 milyono 783 həzo ton məhsul İroni royku tranzit bıə.