Rəyisi: istemori mığobilədə, Afrika kişvəron muğavimət, çəvon oğoəti iyən huşinəti nışonəy

İron İslom Respublika prezdent istemor iyən terrorizmi cərəyoni vədə, Afrikavıjə kişvəron muğavimət iyən istadeqiku ğədrdonətiş kardə iyən ım məsələ ım kişvəron səmtiku çəvon oğoəti iyən huşinəti nışonə zınəşe.

Bə Prezdenti məlumatərosnə raporti mərkəzi əsos, zinə rujədə İron İslom Respublika prezdent Seyd İbreym Rəyisi de Tehronədə Burkina Faso xarıci vəzir, xanım Oloya Rəvamba vindemonədə de işorə bə islomi inğilobi səbarzəti bəpeşt, de Afrikavıjə həmmə kişvəron İroni çokə rabitəon, İron İslom Respublika ıştə hozzoəti elan kardedə ki bə dustə kişvəron xususi Afika kişvəron ıştə təcrubəon iyən muvəffəğiyəton ovoştoniyə bıko.

İron İslom Respublika prezdent ijən mıtəğabilə zərfiyəton mıbodilə vey rə və hoston kardey, həmkoətion hevujəti və rabitəon səthi inkişofiro, İron və Burkina Faso iğtisodi həmkoətion mıştərəkə kamissiya əktiv bey vey təsirin zınəşe.

xanım Oloya Rəvamba həm bəyonış kardə: Afrika kişvəron əcumlə Burkina Faso sultə nizom iyən istikbori vədə muğavimət və istateqi kardey, İroniku dərəs umutedən, əv ijən votışe: Burkina Faso devləti vey muhimmə koon de İron həmkoətion mehvəron əktiv kardeye.