İrağıjon mehmonnəvozətiro İraği iminnə vəziriku İron İslom Respublika prezdenti ğədrdonəti

İron İslom Respublika prezdent, telefoniyə votımonədə İraği iminnə vəzirku Ərbəyine Huseyn(ə)-i zayiron mehmonnəvozətiro ım kişvəri devlət iyən millətiku ğədrdonətiş kardə

Bə Fars aqentiyəti raporti əsos, İron İslom Respublika prezdent, Seyd İbreym Rəyisi de İraği iminnə vəzir Muhəmməd Şiyae Əlsodani telefoniyə votımonədə həmmə baxşonədə İraği məşhurə cəhdonku ğədrdonətiş kardə iyən ım məsələ bə İraği stabiləti co qılə nışonə zınəşe.

Im telefoniyə votımonədə İraği iminnə vəzir həm təkidış kardə ki Ərbəyine Huseyn(ə)-i zayironku mehmon nəvozəti iyən bə əvon oqətey qıləy şikile ki har sor İrağıjon əncom dodən və bə çəy əsos, bə Əhle Beyt(ə)-i erjon ıştə pobəndi nışo dodən.

İron İslom Prezdent iyən İraği iminnə vəzir həm ım telefoniyə votımonədə məntəğədə stabiləti icod kardeyədə çəvon rol iyən 2tərəfiyə rabitəon əhəmiyyəti barədə məşvərət kardışone.

Imsor Ərbəyine Huseyn(ə)-i ziyorət 25 milyon nəfəri iştirok kardey şoyd be ki mislış nıbıə iştirok be.