Asiya ğəhrəmonəti karate rəğobətonədə İroni varzışkoron 6 qılə medal kəsb kardışone

Asiya ğəhrəmonəti karate rəğabətonədə, İroni karate nımoyəndəon, 6 qılə medal kəsb kardışone.

Bə Tele-Rədio aqentiyəti raporti əsos, Milodi 2023 minnə sori Asiya ğəhrəmonəti mısobiğəon iminnə rujədə,ımruj seşəmbə, Ğəzaxıstoni Almatiədə, novıconon baxşədə kata, kumitə  iyən cıvonon i nəfərə kata baxşədə, bərpo bıə və oxoy sə İroni nımoyəndəon bə 1 qılə telı, 1 qılə nığə və 4 qılə bırınc dast peydo kardışone.

Kinəon -47 kiloqerəmə vəznədə, Ğəzəl Fəthi, finalədə səbarz bıə bə Asiya ğəhrəmonəti mısobiğon telı medali kəsbış kardə.

Cıvonon onəfərə kataədə Aylin Bəhari bə nığə medal dastış peydo kardə.

İjən +70 kiloqerəmə vəznədə , Muhəmməd Huseyn Fərahani, -61 kiloqerəmə vəznədə Sağər Cəndəği, -70 kiloqerəmə vəznədə, Arəş Razani və -54 kiloqerəmə vəznədə Zəhra Rızazade iminnə rujonədə bə bırınci medal dast peydo kardışone.