Rəzəvi pokə hərəmədə " Minəl-Ğuds iləl-Ğuds" nomo hınə hodisə

Muğəddəsə Məşhədədə, dınyo şiəyon 8minnə İmom Həzrəte İmom Rıza(ə)-i pokə hərəmədə, " MenəlĞuds eləlĞuds" nomo hınə hodisə de Ğəzzə məzlumə millət xususi Fələstinıjon jenon və hırdənonku himoyə kardey hədəfi de İroni hınə soyb bıə kəson iştiroki bərpo bıə.

Bə İran Peres aqentiyəti raporti əsos, İroni visual rəssamon de 2 ruji mıddətədə (Noyabrə manqi 6 və 7) muğəddəsə  Məşhədədə, dınyo şiəyon 8minnə İmom Həzrəte İmom Rıza(ə)-i pokə hərəmədə, Ğəzzə məzlumə millət xususi Fələstinıjon jenon və hırdənon məzlumiyət və səbriku i baxşi şikil surəti nışo dodən.

İroni visual rəssamon hınə ictima, de Ğəzzə tanqə sakin bıə Fələstinıjon hamdardi kardey və ıştə hambasteqi nışo doey hədəfi, " MenəlĞuds eləlĞuds" nomo hınə hodisə bərpo kardışone ta de hınə zıvon vositə, Fələstinıjon ıştə mudafiə və himoyə nışo bıdən.

Oktiyabrə manqi 7minnə rujədə, Fələstini muğaviməti qrupon, de Ələğsa Tufan nomo əməliyoti vositə, bə sionist rejimi ələyh ıştə həmləon bino kardışone. ım məğlubiyəti bəpeşt, Telaviv, intiğom sıey hərəkəti çərçivədə, de şiddətin surət bə Ğəzzə həmləş kardə.

Bə Ğəzzə səhiyyə vəzorətxonə statestikaon əsos, sionist rejimi həmləon dumoədə, Ğəzzə şəhidon miğdor, 10 həzoku vey əlovə bıə ki ım miğdoriku vey jenon və hırdənonin. ğeyri hərbion ğətli-am kardey və sioniston cinoyəton xəbəon nışo doeyədə ğərbi mediyaon be meyli dınyo tənğidon icodış kardə.