Asiya ğəhrəmonəti Kanoe polo rəğabətonədə İroni merdon ğəhrəmonəti

Asiya ğəhrəmonəti Kanoe polo rəğabəton oxoədə, merdon baxşədə İroni nımoyəndə, ğəhrəmon bıə iyən jenon baxşədə bə 3 minnə vırə dast peydoş kardə.

Bə İrna raporti əsos, Asiya ğəhrəmonəti Kanoe polo ğayeğ romey mısobiğəon ki Cımə rujiku Sinqapurədə bino bıə be, İşəmbə rujədə merdon və jenon baxşonədə de final və reytinq baxşon bərpo kardey ıştə ko bə oxo rosnişe.

Qıləy holədə ki ğəror be merdon baxşi finalədə İroni dıyo ğıvvə Mələvani komanda de Çini tayp vədə hənək bıko ki ım mısobiğə ləğv bıə.

Im hənəki ləğv bey bəpeşt, de Asiya kanoyinq konfederasiya ğərol, İroni merdon nımoyəndə dıyo ğəvvə Mələvan və Çini taypə mıştərəkə surət bənə ğəhrəmon elan bıə.

Jenon baxşədə həm Xoroşan nomo İsfəhani komanda ki de "sulhiro varzış, beqınohə hırdənon" şuari ım mısobiğəonədə iştirok kardışone be, bə 3 minnə vırə dast peydo kardışone.